 ՌԴ-ում որոշել են արգելափակել Facebook-ն ու Twitter-ը 5 մարտի 2022 - 11:18 AMT PanARMENIAN.Net - Ռուսաստանում որոշել են արգելափակել Facebook-ը՝ ի պատասխան ՌԴ պետական ԶԼՄ-ների հանդեպ հարթակի ներմուծած սահմանափակումների։ «Ռոսկոմնադզորը» հայտարարել է, որ 2020 թվականի հոկտեմբերից Facebook-ի կողմից ռուսական ԶԼՄ-ների հանդեպ խտրականության 26 դեպք է գրանցվել, գրում է ՌԻԱ Նովոստին։ «Վերջին օրերին սոցցանցը սահմանափակել է հետևյալ աքաունթների հասանելիությունը՝ «Զվեզդա» հեռուստաալիքի, ՌԻԱ Նովոստի գործակալության, Sputnik, Russia Today, «Լենտա․ռու» և «Գազետա․ռու» լրատվական ռեսուրսների։ Կապի պետական կանոնակարգող «Ռոսկոմնադզորը» հայտարարել է, որ սահմանափակվել է նաև մուտքը Twitter։ Մինչդեռ բլոգերները կոչ են անում գրանցվել Տելեգրամ ալիքներում։ Ավելի վաղ Facebook-ն ու այդ հարթակին պատկանող Instagram-ը հեռացրել էին Russia Today (RT) և Sputnik-ն իրենց հարթակներից Եվրամիության, ինչպես նաև Մեծ Բրիտանիայի տարածքներում։ Հայտնի դարձավ նաև, որ BBC, CNN և մյուս համաշխարհային լրատվական գործակալությունները դադարեցնում են ռեպորտաժները Ռուսաստանից։ Փետրվարի 24-ի վաղ առավոտյան ՌԴ նախագահ Վլադիմիր Պուտինը հայտարարել է Դոնբասում հատուկ ռազմական գործողության մասին։ Նա ասել է, որ նպատակը մարդկանց պաշտպանելն է, որոնք «ենթարկվում են ցեղասպանության Կիևի ռեժիմի կողմից»։ Պուտինը հավելել է, որ ՌԴ-ն ձգտելու է Ուկրաինայի «ապառազմականացմանը և ապանացիֆիկացիայի»։ Ուկրաինայի ամբողջ տարածքում ռազմական դրություն է հայտարարվել։ Զելենսկին հայտարարել է ՌԴ հետ հարաբերությունները խզելու մասին։ Եվրամիության պետությունների և կառավարությունների ղեկավարները Մոսկվայի դեմ պատժամիջոցների մի քանի փաթեթ են ընդունել՝ Ուկրաինա ռուսական զորքերի ներխուժումից հետո։ Պատժամիջոցները վերաբերում են ՌԴ բանկային շուկայի 70 տոկոսին և առանցքային պետական ձեռնարկություններին, այդ թվում՝ ռազմարդյունաբերության: Պատժամիջոցներն ուղղված են նաև ՌԴ տնտեսության էներգետիկ և տրանսպորտային ոլորտների դեմ, առնչվում են նաև արտահանման վերահսկողությանն ու նոր ֆիզիկական անձանց ներգրավմանը պատժամիջոցների ցուցակում։ Պատժամիջոցներ են սահմանվել նաև սպորտի և մշակույթի ոլորտում, ինչպես նաև արվեստի առանձին գործիչների դեմ։   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
