Ամերիաբանկն ամփոփել է «Դարձի՛ր փոփոխությունը» ուսանողական մրցույթը. 3 մլն դրամ՝ հաղթող թիմին14 ապրիլի 2022 - 13:56 AMT PanARMENIAN.Net - Ամերիաբանկն ապրիլի 13-ին ամփոփեց VISA վճարային համակարգի հետ իրականացվող «Դարձի՛ր փոփոխությունը» ուսանողական մրցույթը, որը մեկնարկել էր 2021-ի դեկտեմբերին: Դրա հաղթող ճանաչվեց ու գլխավոր մրցանակը՝ 3 մլն դրամ ստացավ TakeAR կրթական նախագիծը, որի նպատակն է մեր երկրում դպրոցական կրթական համակարգը զինել լրացված իրականության (augmented reality) և վիրտուալ իրականության (virtual reality) տեխնոլոգիաներով՝ առարկաների, թեմաների յուրացման հեշտ և արդյունավետ հնարավորություն ստեղծելով։ Նախագծի հեղինակները նախատեսում են մեկնարկի համար լրացված իրականության տեխնոլոգիայի միջոցով 9 ամսում ստեղծել 8-րդ դասարանի կենսաբանության (մարդ-անատոմիա) դասագրքի վիրտուալ լաբորատորիա` բջջային հավելվածի տեսքով: Այն կներառի 3D մոդելներ, 3D անիմացիաներ և թեմայի հակիրճ ձայնագրություն։ Եթե ծրագիրը հաջողվի, ապա նույն տեխնոլոգիան կկիրառվի այլ դասագրքերի ու առարկաների համար` նույն հավելվածում համալրումների միջոցով:
«Մեր նպատակն է լրացնել ու զարգացնել դպրոցական կրթությունը: Բջջային հավելվածը, որը ստեղծվելու է, հասանելի կլինի աշակերտներին թե տանը, թե դպրոցում, այն նաև հնարավորություն կտա ուսուցիչներին դասն առավել ինտերակտիվ անցկացնել, և դասապրոցեսում ներառել նաև առավել պասիվ կամ թույլ առաջադիմությամբ աշակերտներին»,- նշեց նախագծի հեղինակներից Վիգեն Խաչատրյանը՝ հավելելով, որ նախատեսում են նախագիծն իրականացնել 9 ամսում, իսկ հաջորդիվ դրա շրջանակում ամբողջացնել «Կենսաբանություն» առարկան, ապա՝ անցնել մյուս բնագիտական առարկաներին:
Գլխավոր մրցանակից բացի, ևս 5 թիմ խրախուսական մրցանակ ստացավ՝ 100,000-ական դրամի տեսքով: Մասնակիցների աշխարհագրությունը ևս տարբեր էր՝ ուսանողներ էին հավաքվել ՀՀ ամենատարբեր մարզերից: Խրախուսական մրցանակ ստացողներից «Հիպոկրատին հավատարիմ» նախագիծն իրականացնում են Երիտասարդ բժիշկների հայկական ասոցիացիայի անդամները: Հեղինակներից Լինա Աճեմյանը նշեց, որ նախագծի հիմնական նպատակն է սահմանամերձ շրջանների բնակիչներին անվճար բուժօգնություն ցուցաբերել:
«Ծրագրի շրջանակում որոշել ենք մեզ հետ սահմանամերձ շրջաններ տանել անհրաժեշտ սարքավորումներ, առաջին կայքի դեղորայք՝ տեղի բնակիչներին բուժօգնություն ցուցաբերելու համար: Դրանից զատ, մեզ հետ նաև 15-20 հմուտ կամավոր բժիշկներ են մեկնում մարզեր, որոնք տեղում հիվանդների ախտորոշում են իրականացնում և անհրաժեշտության դեպքում բուժում նշանակում, եթե կարիք կա՝ նաև Երևանի ԲԿ-եր ուղղորդում»,- մանրամասնեց Լինան: Մրցույթի շրջանակում 4-6 հոգանոց թիմերը պետք է ներկայացնեին նորարարական գաղափարներ, որոնք կարող են փոփոխել հասարակության որևէ խմբի կյանքը, գիտության կամ տնտեսության ոլորտը: Մասնակցության առանցքային պայմաններից էր, որ ներկայացվող նախագիծը պետք է իրագործվի Հայաստանում 1-2 տարվա ընթացքում՝ գլխավոր մրցանակի տեսքով տրամադրվող բյուջեի շրջանակում: Ընդհանուր առմամբ, եզրափակիչ էր անցել 11 նախագիծ:
«Ամերիա» կառավարման խորհրդատվական ծառայության ղեկավար Տիգրան Ջրբաշյանի խոսքով՝ կրթության մեջ ներդրումները երկարաժամկետ են. ըստ նրա՝ նոր սերունդն առավել ազատ է կապանքներից ու, ի տարբերություն ԽՍՀՄ տարիների երիտասարդության, շատ ավելի բաց է դեպի առաջ նայելու: «Նման ներդրումները, որոնք ուղղված են երիտասարդությանն ակտիվացնելու, նրանց միտքը զարգացնելու ու դեպի փոփոխություններ ուղղելու, շատ կարևոր են մեր ազգի ապագայի համար»,- ասաց նա՝ հավելելով, որ մրցույթի շրջանակում բավականին լուրջ ոլորտներից նախագծեր էին ներկայացվել: Խոսելով մրցույթի շրջանակում իգական սեռի ներկայացուցիչների ակտիվ ներգրավվածության մասին, Girls in Tech Armenia-ի գործադիր տնօրեն Սեդա Պապոյանն ընդգծեց, որ իր համար հատկապես տպավորիչ և ուրախացնող էր այն փաստը, որվ նրանք չեն խուսափում զբաղվել բիզնեսով, փոփոխություններով և նորարարությամբ:
«Շատ տպավորված եմ մրցույթից, հաշվի առնելով, որ գործ ունեինք ուսանողների հետ, որոնք նոր գաղափարներ էին բերել՝ վստահ լինելով, որ դրանք պետք է նպաստեն փոփոխությունների: Ինչպես շատ ճիշտ նշեց ժյուրիի անդամներից մեկը՝ փոփոխությունն արդեն նրանց գլխում է, ինչը կանգնեցնել, դադարեցնել էլ հնարավոր չէ, ու վստահ եմ՝ անկախ հաղթողներից, այս 11 թիմն ինչ-որ կերպ կգտնի կյանքն ավելի լավը դարձնելու, փոփոխելու իր ճանապարհը»,- ասաց նա: Իր հերթին, Ամերիաբանկի ՄՌԿ ծառայության զարգացման և վերապատրաստման բաժնի ղեկավար Վահան Մելքումյանը պատմեց, որ վերջին տարիներին 100-ից ավելի նախագծեր են իրականացրել երիտասարդների և ուսանողների համար՝ նպատակ ունենալով նրանց հնարավորություն տալու ռեալիզացնելու իրենց պոտենցիալն ու կյանքի կոչելու անիրական թվացող գաղափարները, փոփոխություն բերող մտքերը, ինչի պատճառով էլ Բանկը որոշեց իրականացնել «Դարձի՛ր փոփոխությունը» նախագիծը:
«Նման նախագծեր շատ ակտիվ իրականացնում ենք նաև մեր կազմակերպության ներսում: Մասնավորապես, թվային փոխակերպման ռազմավարության ներքո մեկնարկել ենք մի շարք հետաքրքիր ծրագրեր, որոնց նպատակն է բարելավել և դիվերսիֆիկացնել մեր թիմակիցների գիտելիքներն ու օգնել նրանց վերաորակավորվել մի շարք ուղղություններում»,- նշեց նա՝ հավելելով, որ այդ ծրագրերի մասին առավել մանրամասն կխոսեն մոտ ապագայում: Ամփոփելով մրցույթի արդունքները՝ Ամերիաբանկի մարքեթինգի և հաղորդակցության գծով տնօրեն Ռեբեկա Հակոբյանը նշեց, որ նմանատիպ միջոցառումների իրական արժեքը ոչ թե մրցանակն է, այլ մարդկային շփումները, նեթվորքինգը, ինչն ապահովվեց նաև այս մրցույթի ընթացքում: Ըստ նրա՝ դրա շրջանակում հավաքվել էին ժյուրիի այնպիսի անդամներ, որոնք, ծանոթանալով նախագծերին, հետագայում էլ ավելի մեծ հնարավորություններ կտան մասնակիցներին՝ զարգացնելու, կատարելագործելու ու առաջ տանելու իրենց նախագծերը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |