Դատարանը թույլատրել է Արմեն Գևորգյանին մեկնել Ստրասբուրգ՝ ԵԽԽՎ նիստի19 ապրիլի 2022 - 18:12 AMT PanARMENIAN.Net - Դատավոր Աննա Դանիբեկյանը թույլատրել է ՀՀ նախկին փոխվարչապետ Արմեն Գևորգյանին որոշ ժամանակով բացակայել երկրից՝ Ստրասբուրգում նախատեսված վեհաժողովին մասնակցելու համար։ Երևանի ընդհանուր իրավասության դատարանում շարունակվում է ՀՀ երկրորդ նախագահ Ռոբերտ Քոչարյանի ու Արմեն Գևորգյանի գործով դատական նիստը։ Գևորգյանի փաստաբան Լուսինե Սահակյանը միջնորդել է դատարանին թույլատրել իր պաշտպանյալին հատել ՀՀ սահմանը։ Մասնավորապես, Սահակյանը հայտնել է, որ Գևորգյանն ապրիլի 23-ից 29-ը ԵԽԽՎ նստաշրջանի աշխատանքներին պետք է մասնակցի, գրում է Sputnik Արմենիան։ «Դատարանը հատկապես կարևորում է այն հարցը, որ միջնորդության հիմքում նշվում է` Գևորգյանը պատրաստվում է ԵԽԽՎ-ում ելույթներ ունենալ և բարձրաձայնել Արցախյան հակամարտությանը վերաբերող հարցեր։ Նման հարցեր այս պահին բարձրացնելը դատարանն արդիական է համարում»,- ասել է Դանիբեկյանը։ Դատավորի խոսքով` չնայած Գևորգյանի` երկիր չվերադառնալու որոշակի հավանականությանը, դատարանը որոշում է թույլատրել նրան Ստրասբուրգ մեկնել: Մինչ այս Գևորգյանի պաշտպանական կողմը քանիցս նման միջնորդություններ էր ներկայացրել դատարան, որպեսզի թույլատրեն Գևորգյանին մասնակցել ԵԽԽՎ նիստերին։ Դատարանը, սակայն, միշտ մերժում էր դրանք` ասելով, որ Գևորգյանը կարող է երկիր չվերադառնալ և նիստերին չներկայանալ այլևս։ ՀՀ երկրորդ նախագահ Ռոբերտ Քոչարյանն ու նախկին փոխվարչապետ Արմեն Գևորգյանը քրեական գործով անցնում են որպես մեղադրյալներ։ Քոչարյանը մեղադրվում է առանձնակի խոշոր չափերով կաշառք ստանալու, իսկ Գևորգյանը` փողերի լվացման մեջ։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |