Գետքի և Ղարիբջանյանի բնակիչները փակել էին Գյումրի-Արմավիր ճանապարհը. Ոռոգման ջրի հարցը լուծելու պահանջով 15 հուլիսի 2022 - 16:03 AMT PanARMENIAN.Net - Վաղ առավոտից Շիրակի մարզի Ղարիբջանյան և Գետք գյուղերի բնակիչները փակել էին Գյումրի–Արմավիր ճանապարհն ու պահանջում էին, որ ոռոգման ջրի հետ կապված խնդիրները լուծում ստանան։ Բնակիչները նշում էին, որ մինչ գյուղ հասնելը ջուրն անցնում է Ազատան գյուղով, որն արդեն հասցրել է 3 անգամ ոռոգում իրականացնել, իսկ իրենք դեռ ջրի են սպասում։ Ղարիբջանյանի վարչական կենտրոնում` Շիրակի մարզպետարանի, «Շիրակ» ՋՕԸ –ի և Ախուրյան խոշորացված համայնքի պատասխանատուների հետ քննարկումից հետո նրանք բացել են ճանապարհը, տեղեկացնում է Sputnik Արմենիան։ Շիրակի մարզպետարանի գյուղատնտեսության ու բնապահպանության վարչության պետ Ռոման Համայակյանը նշել է, որ վերջին օրերին արձանագրված շոգ եղանակի հետ կապված՝ խնդիրն ավելի է սրվել։ «Ղարիբջանյանն ամբողջությամբ ու Գետքի մի մասը չեն հանդիսանում Շիրակ ջրօգտագործողների ընկերության անդամ,և ընկերությունն այստեղ նրանց ջուր չի տրամադրում։ Այս գյուղերում միշտ օգտագործել են միայն իրենց ունեցած ջրի պաշարները: Շոգերին զուգահեռ ոռոգման սեզոնն է սկսվել, ավելացել են նաև ցանքատարածությունները, դրանով պայմանավորված էլ խնդիրը լրջացել է»,- նշել է Համայակյանը։ Նա տեղեկացրել է, որ խնդրի լուծման տարբերակն այս պահին մեկն է` այդ հատվածների բնակիչները պետք է անդամակցեն Շիրակ ՋՕԸ–ին, մինչ համայնքը կփորձի ոռոգման ցանցի խնդրով սուբվենցիոն ծրագրեր ներկայացնել կառավարությանը։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
