Երևանը կհյուրընկալի CYFEST-14 մեդիա արվեստի միջազգային փառատոնը 6 հոկտեմբերի 2022 - 15:59 AMT PanARMENIAN.Net - Երևանը կհյուրընկալի CYFEST-14 մեդիա արվեստի միջազգային փառատոնը, որի ծրագիրը ներառում է ցուցահանդեսային նախագիծ, վիդեո արվեստի ցուցադրություն, պերֆորմանսների շարք և ուսումնական հանդիպումներ։ CYFEST-ն աշխարհի սակավաթիվ շրջագայող մշակութային փառատոներից է. 2022-ին փառատոնային նախագծերը կցուցադրվեն Երևանում, Մեծ Բրիտանիայի Դարտինգթոն քաղաքում, ԱՄՆ-ի Արիզոնայում և Նյու Յորքում: Փառատոնի գործընկերներն են ինչպես դասական, այնպես էլ փորձարարական ինստիտուտներ, հայտնում է Cyberfest.ru-ն։ 2022 թվականի փառատոնի թեման է՝ Խմորում։ Միևնույն վայրում CYFEST-14-ը հավաքում է ավելի քան 30 մասնակցի 7 երկրից: Նրանց թվում են Աննե Մարի Մեյսը՝ նկարիչ, կենսատեխնոլոգ, բակտերիաների, ջրիմուռների և բույսերի վրա հիմնված մի շարք տեխնոօրգանական օբյեկտների հեղինակ, Մարին Կազիմիրը՝ մուլտիդիսցիպլինար արվեստագետ և լուսանկարչական տեսողության հետազոտող, Մարիաթերեզա Սարտորին՝ արվեստագետ, ով իր ստեղծագործություններում համատեղում է նյարդակենսաբանությունը, երաժշտությունն ու ձայնը, Ուր շներն են վազում խումբը՝ գիտական արվեստի ռահվիրաններ, Ուիլյամ Լաթամը՝ արվեստագետ, Գոլդսմիթ քոլեջի համակարգչային արվեստի և խաղերի զարգացման պրոֆեսոր, և Լուկա Ֆորկուչին՝ արվեստագետ, ձայնի, գիտակցության, ընկալման, հիշողության և մարմնի փոխհարաբերությունների հետազոտող և կոմպոզիտոր: Փառատոնի անցկացման կենտրոնական վայրը Երևանում կլինի Հայարտ մշակութային կենտրոնը՝ բազմաֆունկցիոնալ տարածք, որը ներկայացնում է ժամանակակից մշակույթի ամբողջ սպեկտրը՝ վիզուալ, պերֆորմատիվ, թվային արվեստից և լուսանկարչությունից մինչև ճարտարապետություն, էքսպերիմենտալ կինո, էլեկտրոնային և դասական երաժշտություն: «Թվային խմորում» տեսածրագրի գործընկերը կլինի ACCEA/NPAK-ը՝ Կովկասի ժամանակակից փորձարարական արվեստի հնագույն կենտրոններից մեկը։ Համադրողներն են՝ Աննա, Ֆրանց, Ելենա Գուբանովա, Վիկտորյա Իլյուշկինա, Սերգեյ Կոմարով։ CYFEST-ը կազմակերպվում է CYLAND MediaArtLab-ի և One Market Data Yerevan-ի կողմից: CYFEST-ը՝ Արևելյան Եվրոպայի խոշորագույն մեդիա արվեստի միջազգային փառատոներից մեկը, հիմնադրվել է մի խումբ անկախ արվեստագետների և համադրողների կողմից 2007 թվականին: Իր ստեղծման օրվանից CYFEST-ի հիմնական մտահոգությունն է եղել ուսումնասիրել նոր և ավանդական վիզուալ լեզուների երկխոսությունը և ցուցադրել տեխնոլոգիական ձեռքբերումները՝ գեղարվեստական վերափոխման միջոցով: CYFEST-ը միավորում է արվեստի մասնագետներին, արվեստագետներին, համադրողներին, մանկավարժներին և մտածողներին, ծրագրավորողներին, ինժեներներին և մեդիա ակտիվիստներին ամբողջ աշխարհում և ընդլայնում է ժամանակակից արվեստը՝ միահյուսելով այն գիտության և տեխնիկայի տարբեր ոլորտների հետ: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |