Ֆրանսիան 100 մլն եվրոյի վարկ կտրամադրի ՀՀ-ի բյուջեի դեֆիցիտի ֆինանսավորմանը 24 նոյեմբերի 2022 - 13:41 AMT PanARMENIAN.Net - Ֆրանսիան 100 մլն եվրոյի վարկ կտրամադրի ՀՀ-ին։ Կառավարությունը համաձայնություն է տվել ՀՀ կառավարության և Զարգացման ֆրանսիական գործակալության միջև ստորագրված վարկային համաձայնագիրը վավարեցնելու մասին որոշման նախագծին: Ֆինանսների նախարար Տիգրան Խաչատրյանը նշել է, որ Ֆրանսիական զարգացման գործակալության կողմից տրամադրվելիք վարկը նախատեսված է 2022–ի պետբյուջեի դեֆիցիտի ֆինանսավորման համար։ Նախարարը նշել է, որ տարվա ընթացքում Ֆրանսիական զարգացման գործակալությունը զգալի փորձագիտական աջակցություն է ցուցաբերել, մասնավորապես՝ ֆինանսների կառավարման ոլորտում։ Վարկը կտրամադրվի 20 տարով, որից 5-ը` արտոնյալ։ Խաչատրյանը տեղեկացրել է նաև, որ Ֆրանսիական զարգացման գործակալությունը Երևանում մշտական ներկայացուցչություն հիմնելու որոշում է կայացրել։ Պատասխանելով պետական պարտքի մասին հարցին, նախարարն ասել է, որ տարեվերջին այն կկազմի $10 մլրդ։ Փաշինյանն իր հերթին նշել է, որ թիվն էական չէ, «էական է, թե ՀՆԱ-ի նկատմամբ պետական պարտքն ինչ ծավալ է կազմում»։ «Ենթադրենք, ինչ-որ մեկը 50,000 դոլար պարտք ունի, ասում են՝ վա՜յ, ոնց ա լինելու, ինչ ա լինելու։ Ենթադրենք, էդ մարդն ամիսը 45,000 դոլար աշխատավարձ է ստանում, իրա համար 50,000 դոլար պարտքը պրոբլեմ չի։ Մեր խնդիրն այն չէ, որ մեր պարտքը 10 կամ 15 միլիարդ չլինի, այլ այն է, որ մեր պարտքը ոչ թե ՀՆԱ-ի նկատմամբ չաճի, նվազի», - ասել է վարչապետը։   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի  Քննարկվել են նաև տարածաշրջանային անվտանգությանն առնչվող հարցերԵրևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետըՇվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա |
