Փաշինյանը՝ Ավինյանի ունեցվածքի, Սիմոնյանի եղբոր տենդերների մասին․ Բացառված է, որ լինի կոռուպցիոն երևույթ և համակարգը չարձագանքի 10 հունվարի 2023 - 18:25 AMT PanARMENIAN.Net - Վարչապետ Նիկոլ Փաշինյանն ասուլիսում, խոսելով իր թիմի ունեցվածքի վերաբերյալ հրապարակումների մասին, ասել է, որ բացառված է, որ կոռուպցիոն երևույթ լինի և համակարգը չարձագանքի։ Լրագրողը նշել է, որ մամուլում իրար են հաջորդում Երևանի փոխքաղաքապետ Տիգրան Ավինյանի արտադրական կանեփի արտադրամասի, նրա մոր կողմից հողատարածքներ ձեռք բերելու, ԱԺ նախագահ Ալեն Սիմոնյանի եղբոր շահած տենդերների մասին ասֆալտապատման ոլորտում և այլն, սակայն քննադատություն կամ պաշտոնանկություններ դրան չեն հետևում։ Արձագանքելով այդ դիտարկմանը Փաշինյանը նշել է, թե չկա հարց, որ իրավապահների ուշադրության կենտրոնում չլինի։ «Նախ, Ալեն Սիմոնյանի եղբայրն ի՞նչ կարգավիճակ ունի։ Տնօրեն է, որևէ տեղ աշխատելու իրավունք ունի չէ՞։ ՀՀ ընդդիմության անդամներից մեկի ընտանիքի անդամին պատկանող ընկերությունը ՀՀ-ում ամենաշատ տենդերներն է շահում և մենք դեմ չենք դրան: Իսկ մեկը դիտարկե՞լ է, թե 2018-ից առաջ ինչ գործունեություն ծավալել Ավինյանի ընտանիքը»,-ասել է Փաշինյանը։ Նա նաև ասել է, թե իր ընտանիքի անդամներից կան մարդիկ, որ հեղափոխությունից հետո հեռացել են ՀՀ-ից, որովհետև պատգամավոր լինեին, ասելու էին՝ բերեց դարձրեց պատգամավոր, գործարար լինեին՝ ասելու էին բիզնեսով են զբաղվում, գործազուրկ լինեին՝ ասելու էին՝ անբան են, չեն աշխատում։   Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում  «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նաՀանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվելՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |
