Կոտրել են «Առավոտի» յութուբյան ալիքը․ Հարստացածների մասին տեսանյութ պետք է հրապարակվեր15 մարտի 2023 - 18:09 AMT PanARMENIAN.Net - «Առավոտ» թերթը պատրաստվում էր տեսանյութ հրապարակել 2018 թվականից հետո հարստացածների մասին, բայց նախապես հայտարարված ժամից առաջ կորցրել է իր յութուբյան ալիքի հասանելիությունը․ անհայտ անձինք կոտրել են այն։ Թերթի առցանց տարբերակի խմբագիր Աննա Իսրայելյանը սոցհարթակներում հայտնել է, որ մարտի 14-ի առավոտյան իրենք Telegram-ում և Facebook–ում հայտարարել էին տեսանյութ ներկայացնելու մասին, որն ուներ հետևյալ վերնագիրը. «Մեր օրերի հարուստ հեղափոխականները. ինչպես և որքան են հարստացել հեղափոխական պաշտոնյաները պատերազմող երկրում և պատերազմի տարում»։ Հաղորդումը պետք է թողարկվեր ժամը 21:00-ին։ Ժամը 19:46-ին խմբագրությունը կորցրել է իր ալիքի հասանելիությունը։ «Թերթի Youtube-յան ալիքը կոտրելուց հետո փոխել են անվանումը, այնտեղից ջնջվել են որոշ տեսանյութեր։ Ընդ որում` այդ հարցում էլ ցուցաբերել են խտրականություն, որովհետև զարմանալի զուգադիպությամբ չեն վնասել իշխող «Քաղաքացիական պայմանագիր» կուսակցության անդամներին առնչվող տեսանյութերը»,- ասել է Իսրայելյանը, հայտնում է Sputnik Արմենիան։ Նա շեշտել է, որ տեղի ունեցածը համընկել է երեկվա երկու իրադարձության հետ։ Մեկը վերաբերում է «Առավոտի» թղթակցի հարցին` ուղղված վարչապետ Նիկոլ Փաշինյանին վերջինիս ասուլիսի ժամանակ, որից հետո ատելության խոսքի հսկայական չափաբաժին է ուղղվել լրագրողի և «Առավոտի» հասցեին, իսկ մյուսը կապված է տվյալ լրատվամիջոցի հայտնի տեսանյութի վերաբերյալ նախապես արված հայտարարության հետ։ Անդրադառնալով հարցին, թե ովքեր կարող են կանգնած լինել հարձակման հետևում Իսրայելյանը նշել է երկու տարբերակն էլ չի կարելի բացառել. դա կարող էր լինել և՛ պարզ հաքերային միջամտություն, և՛ ծրագրված գործողություն։ Իսրայելյանը խոսել է մասնագետների հետ, որոնք ենթադրում են, որ հարձակման պատճառ կարող է լինել այն, որ մուտքն «Առավոտի» հաշվեհամարին արվել է խմբագրության վարակված համակարգչի միջոցով։ Իսրայելյանը չի պատրաստվում դիմել իրավապահ մարմիններին, որովհետև մինչ օրս չի տեսել որևէ բացահայտված նմանօրինակ կիբեռհանցագործություն, այլ փորձում է այս պահին խնդիրը լուծել Youtube-ի և Google-ի հետ բանակցությունների միջոցով։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |