Ավանեսյան․ Արցախից անգամ ծանր հիվանդների տեղափոխումը Երևան անհնարին է դարձել 16 հունիսի 2023 - 16:59 AMT PanARMENIAN.Net - Արցախից անգամ ծանր հիվանդություն ունեցող քաղաքացիների տեղափոխումը Երևան անհնարին է դարձել։ Այս մասին լրագրողների հետ զրույցում ասել է առողջապահության նախարար Անահիտ Ավանեսյանը։ Նախարարի խոսքով՝ այժմ փորձ է արվում արցախցի բժիշկների հետ կապ պահպանել ու միասնական ուժերով պայքարել ստեղծված իրավիճակի դեմ, և անհրաժեշտ բժշկական օգնություն ցույց տալ, գրում է «Փաստինֆոն»։ «Բայց սա, իհարկե, չի կարող լուծում լինել։ Ես մշտապես, նորից խստորեն դատապարտելով ասում եմ, որ պացիենտների բժշկական օգնության խոչընդոտումը դեմ է բոլոր միջազգային փաստաթղթերին և չի տեղավորվում հումանիտար որևէ սկզբունքի մեջ»,- ասել է նա։ Նախարարը հայտնել է, որ նշված բոլոր պացիենտները վերադարձել են Ստեփանակերտ և դեռևս պարզ չէ, թե երբ հնարավոր կլինի նրանց տեղափոխումը ՀՀ տարածք։ Հունիսի 15-ի առավոտյան Հակարիի կամրջի մոտ տեղի ունեցած ադրբեջանական սադրանքից հետո Քաշաթաղի (Լաչինի) միջանցքով բոլոր հումանիտար ուղևորափոխադրումներն ու բեռնափոխադրումներն արգելվել են Ադրբեջանի կողմից: Մասնավորապես, Կարմիր խաչի միջազգային կոմիտեի կողմից 25 բուժառու և նրանց հարազատներ էին տեղափոխվում Արցախից Հայաստան, սակայն Քաշաթաղի միջանցքում գործող ապօրինի ադրբեջանական անցակետում արգելվել է մեքենաների հետագա տեղաշարժը՝ նրանց ստիպելով վերադառնալ Ստեփանակերտ:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
