Քերոբյան․ ՀՀ արտահանման մոտ 40%-ն է ՌԴ գնում, Լարսը բաց է՝ խնդիր չկա 13 հոկտեմբերի 2023 - 16:15 AMT PanARMENIAN.Net - էկոնոմիկայի նախարար Վահան Քերոբյանը, անդրադառնալով ՌԴ-ի հետ տնտեսական հարաբերություններում հնարավոր խնդիրների վերաբերյալ հարցին, ասել է, որ ՀՀ արտահանման մոտ 40%-ն է ՌԴ գնում, տնտեսվարողներն աշխատում են, ամեն ինչ նորմալ է, որևիցե խնդիր չկա։ Քերոբյանը նշել է նաև, որ Լարսի անցակետում հերթեր չկան՝ հիշեցնելով, որ իր և ՌԴ գործընկերոջ՝ 2022 թվականի հունիսի պայմանավորվածություններից հետո Լարսի անցակետում նոր ուղիներ են բացվել, ընդամենը 2 օր են հարցեր եղել, ինչը կարգավորվել է, գրում է Aysor.am-ը։ Նախարարը հավատացրել է, որ վառելիքի խնդիր ևս չկա։ «Որոշակի խնդիր կա բենզինի հետ կապված, բայց մեր առաջին դիմումը մասնակիրորեն բավարարվել է, աշխատում ենք գործընկերների հետ», - ասել է նա՝ նշելով, որ գները շուկայից են կախված։ Հոկտեմբերի 3-ին Ռուսաստանում ՀՀ դեսպանատան մաքսային կցորդ Վահան Հակոբյանը հայտնել էր, որ Վերին Լարսի անցակետում կուտակվել է Հայաստանից Ռուսաստան արտահանվող կոնյակով մոտ 60 բեռնատար։ Նա պարզաբանել էր, որ ռուսական կողմը մաքսային հսկողություն է իրականացնում, և արտադրանքի մի մասն ուղարկվում է փորձաքննության։ Մաքսային կցորդը հայտնել էր նաև, որ ներկայումս Ռուսաստան է ժամանում հայկական բեռների աննախադեպ մեծ ծավալ՝ օրական միջինը 200 բեռնատար։ Ավելի վաղ հայտնի դարձավ նաև, որ 2023 թվականի հոկտեմբերին սպառվել էր բենզինի և դիզվառելիքի քվոտան, և հայկական կողմը դիմել էր քվոտան ավելացնելու խնդրանքով, որը բավարարվել էր մասամբ։ Արդյունքում, ՌԴ–ից ներմուվծել էր 15 հազար տոննա բենզին և 20 հազար տոննա դիզվառելիք՝ չնայած սեպտեմբերի 21-ին ՌԴ կառավարության կողմից նավթամթերքների այս տեսակների արտահանման ժամանակավոր արգելքին։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Տիխանովսկայա. Լուկաշենկոն դավաճանել է ՀՀ-ին այնպես, ինչպես Ուկրաինային  Նա նշել է, որ աշխարհին պետք է ազատ և ժողովրդավարական Բելառուս, «ոչ թե նենգ բռնապետ»Ըստ Քոչարյանի՝ Ադրբեջանի ՊՆ–ն իր ապատեղեկատվություններով ագրեսիայի հիմք չի ստեղծում «Կրակոցներ միշտ կարող են լինել՝ զինվորական է, կարող է, խմել է, մի հատ էլ կրակել է, բայց ոչ մեր կողմից»,–ասել է նաՔոչարյան․ Վիրավորներ եղան, բայց զոհեր չուենցանք, որովհետև ուժային բլոկը հստակ աշխատեց «Մարտի մեկը լրիվ ուրիշ բան էր, սա ուրիշ բան էր»,–ասել է նա |
