Արցախից բռնի տեղահանության արդյունքում Ադրբեջանի վերահսկողության տակ է անցել 8 թանգարան

13 նոյեմբերի 2023 - 11:35 AMT

PanARMENIAN.Net - Արցախի բնակչության բռնի տեղահանության հետևանքով ամբողջությամբ կամ մասնակի Ադրբեջանի վերահսկողության տակ է անցել 8 թանգարան, հայտնում է Արցախի մշակութային ժառանգության պաշտպանության Պետական խորհուրդը:

Այդ թանգարանների թվում է նաև Մատենադարանի Գանձասարի մասնաճյուղ–թանգարանը։

Ավելի վաղ Մատենադարանից հայտնել էին, որ Մատենադարան-Գանձասար գիտամշակութային կենտրոնում պահվում էին կրկնօրինակ ձեռագրերը, դրանք բնօրինակներ չէին: 2020թ պատերազմի ժամանակ դրանք ի պահ տրվեցին Մատենադարանին: Պատերազմից հետո դրանց մի մասը վերադարձվեց Գանձասար ցուցադրության:

Ադրբեջանի հսկողության տակ են անցել նաև՝ Արցախի պետական պատմաերկրագիտական թանգարանը, Մարտակերտի շրջանի երկրագիտական թանգարանը, Ասկերանի շրջանի երկրագիտական թանգարանը, Նիկոլ Դումանի տուն–թանգարանը (գյուղ Ծաղկաշատ), Մարտունու շրջանի երկրագիտական թանգարանը, Մարտունու շրջանի Բերդաշեն գյուղի երկրագիտական թանգարանը, Գեներալ Պարսեղովի տուն–թանգարանը (գյուղ Կոլխոզաշեն)։

Ըստ խորհրդի նախնական տվյալների՝ 44-օրյա պատերազմի հետևանքով Շուշիում և Հադրութի շրջաններում Ադրբեջանի վերահսկողության տակ է մնացել ևս 10 թանգարան՝ 17, 070 ցուցանմուշով և արվեստի գործերի 8 հավաքածու՝ 1077 ցուցանմուշով:

ՅՈՒՆԵՍԿՕ-ի Գլխավոր համաժողովի 42–րդ նստաշրջանին ԱԳ նախարար Արարատ Միրզոյանը կարևորել էր, որ Արցախում մնացած մշակութային և կրոնական ժառանգության պաշտպանությունը վանդալիզմից և թալանից։