Արցախի ՀԿ-ների կոչը՝ կանխել գերիների խոցելի վիճակի օգտագործումը, այդ թվում՝ քարոզչական նպատակներով 27 մարտի 2024 - 18:12 AMT PanARMENIAN.Net - Արցախից բռնի տեղահանված անձանց իրավունքների պաշտպանության ՀԿ-ների ցանցը հանդես է եկել հայտարարությամբ՝ կոչ անելով կանխել Ադրբեջանում կալանքի տակ պահվող գերիների խոցելի վիճակի որևէ կերպ օգտագործումը, այդ թվում քարոզչական նպատակներով, կանխել կեղծ և շինծու տեղեկությունների վրա հիմնված ֆիլմի ցուցադրությունը։ «Ադրբեջանի Հանրապետության կողմից տարիներ շարունակ իրականացվող ցեղասպան քաղաքականության հետևանքով կոպտորեն խախտվել և առայսօր շարունակվում են խախտվել մարդու իրավունքների հիմնարար նորմերը, որոնք իրենց ամրագրումն են ստացել ոչ միայն ազգային օրենսդրության շրջանակներում, այլև մի շարք միջազգային իրավական ակտերում։ Ադրբեջանի Հանրապետության կողմից 2020 թվականի 44-օրյա պատերազմի և 2023 թվականի սեպտեմբերի 19-ի Արցախի Հանրապետության դեմ սանձազերծված պատերազմական գործողությունների արդյունքում Ադրբեջանը թիրախավորել էր Արցախի խաղաղ բնակչությանը՝ օգտագործելով միջազգային փաստաթղթերով արգելված զինատեսակներ, կասետային հրթիռներ։ Այս և այլ վայրագությունների արդյունքում մահացել և տարբեր աստիճանի վիրավորումներ են ստացել մի շարք խաղաղ բնակիչներ, որոնց թվում էին մանկահասակ երեխաներ, տարեցներ, հղի կանայք։ Տասնյակից ավել մեր հայրենակիցներ, այդ թվում նաև Արցախի Հանրապետության նախկին ռազմաքաղաքական ղեկավարներ, գերեվարվել են Ադրբեջանի կողմից։ Ադրբեջանը օգտագործելով գերիների խոցելի վիճակը՝ օգտագործում է վերջիններս՝ իր քարոզչական նպատակների իրականացման համար։ Մասնավորապես, Ադրբեջանը եթեր էր հեռարձակել Արցախի Հանրապետության գերեվարված ռազմաքաղաքական ղեկավարներին պարտադրված հարցազրույցների հիմքով պատրաստված կեղծ և շինծու ֆիլմի անոնսը, որը Ադրբեջանի իշխանությունները վերնագրել են «Անտիտեռոր»։ Ադրբեջանի այս հակահայկական քաղաքականությունը, ինչպես նաև գերիների նկատմամբ դրսևորվող ապօրինի գործողությունները խախտում են Մարդու իրավունքների համընդհանուր հռչակագրի, Մարդու իրավունքների եվրոպական կոնվենցիայի, Ռազմագերիների հետ վարվելակերպի մասին կոնվենցիայի հիմնարար դրույթներ։ Ելնելով վերոգրյալից, կոչ ենք անում ՀՀ կառավարության, ՄԱԿ-ի անվտանգության խորհրդին, Եվրոպական միությանը, Եվրոպայի խորհրդին և ՀՀ-ում գործող դեսպանություններին ձեռնարկել գործուն միջոցներ՝ Ադրբեջանի կողմից գերեվարված բոլոր անձանց շուտափույթ ազատ արձակելու ուղղությամբ, մինչև բոլոր գերիների ազատ արձակումը՝ կանխելու նրան խոցելի վիճակի որևէ կերպ օգտագործումը, այդ թվում քարոզչական նպատակներով, կանխելու կեղծ և շինծու տեղեկությունների վրա հիմնված ֆիլմի ցուցադրությունը»,–ասվում է հայտարարության մեջ։ Հայտարարությունը ստորագրել են «Հարմոնիա» շուշեցի կանանց ՀԿ–ն «Կռունկ» արցախահայերի իրավունքների պաշտպանության ՀԿ–ն, «Վերադարձ դեպի Քաշաթաղ» ՀԿ–ն, «Վերադարձ դեպի Քարվաճառ», «Վերադարձ դեպի Դիզակ», «Կումայրի» արցախահայերի ՀԿ, «Հադրութի դեօկուպացիա», «Շուշիի դեօկուպացիա», «Ասկերանցիներ» համայնքի զարգացման կենտրոն» ՀԿ–ները, «Հայը կա» սոցիալական, անվտանգային և զարգացման ՀԿ, «Իրավաբանների հայկական ասոցիացիա» ՀԿ–ն։ Բաքուն կալանքի տակ է պահում Արցախի նախկին նախագահներ Արկադի Ղուկասյանին, Բակո Սահակյանին, Արայիկ Հարությունյանին, նախկին ԱԳ նախարար Դավիթ Բաբայանին, ԱԺ նախագահ Դավիթ Իշխանյանին, գեներալներ Լևոն Մնացականյանին, Դավիթ Մանուկյանին և նախկին պետնախարար Ռուբեն Վարդանյանին։ Բաքուն պաշտոնապես հաստատում է 23 հայերի գերեվարման փաստը։   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր Փաշինյան․ 2018–ին մենք որոշեցինք լինել տանտեր, առանց մտածելու դրա հետևանքների մասին  «Ու մենք բարեհաջող կանցնենք այդ ճանապարհը»,–ասել է նաԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են |
