Թայվանում վերջին 25 տարում ամենահզոր երկարաշարժն է գրանցվել

Թայվանում վերջին 25 տարում ամենահզոր երկարաշարժն է գրանցվել

PanARMENIAN.Net - Ապրիլի 3–ի վաղ առավոտյան Թայվանում 7․4 մագնիտուդ ուժգնությամբ երակրաշարժ է տեղի ունեցել։ Ըստ նախնական տվյալների, զոհվել է 7 մարդ, ավելի քան 700–ը՝ տուժել։ Սա ամենաուժգին երկրաշարժն է վերջին 25 տարում։

Էպիկենտրոնը գտնվել է սակավ բնակեցված շրջանում, Հուալյան քաղաքից մոտ 18 կմ հեռավորության վրա։ Ստորգետնյա ցնցումները զգացվել են նաև երկրի մայրաքաղաք Թայբեյում, գրում է BBC-ն։

Առնվազն 26 շենք է փլուզվել։ Հուալյան քաղաքում երկու բարձրահարկ շենք է մասնակի փլուզվել և թեքվել։

Երկրաշարժից հետո Թայվանի, Ճապոնիայի և Ֆիլիպինների իշխանությունները ցունամիի մասին զգուշացում էին տարածել, որը, սակայն, հետո չեղարկվեց։

Կիսահաղորդիչների արտադրությամբ զբաղվող TSMC ընկերությունը հայտնել է, որ տարհանել է իր աշխատակիցներին հարավում մի քանի գործարաններից, սակայն, անվտանգության համակարգերն աշխատում են։ TSMC–ն չիպեր է արտադրում Apple–ի և Nvidia–ի համար։

1999–ի սեպտեմբերին Թայվանում 7․6 մագնիտուդով երկրաշարժ էր գրանցվել, փլուզվել էր 5000 շենք, զոհվել էր 2400 մարդ։

Photo. CNA / AFP / Scanpix / LETA
 Ուշագրավ
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---