ԵԽԽՎ-ում Գերմանիայի պատվիրակության ղեկավար․ Ադրբեջանի համար դեպի ԵԽԽՎ հետ ճանապարհ չկա

ԵԽԽՎ-ում Գերմանիայի պատվիրակության ղեկավար․ Ադրբեջանի համար դեպի ԵԽԽՎ հետ ճանապարհ չկա

PanARMENIAN.Net - Եվրոպայի խորհրդի խորհրդարանական վեհաժողովում Գերմանիայի պատվիրակության ղեկավար Ֆրանկ Շվաբեն, անդրադառնալով մարդու իրավունքների իրավիճակին Ադրբեջանում, հայտարարել է, որ Ադրբեջանի համար դեպի ԵԽԽՎ հետ ճանապարհ չկա։ Այդ մասին նա գրել է X-ի իր միկրոբլոգում։

Նա քննադատել է ադրբեջանցի իրավապաշտպան Անար Մամեդլիի ձերբակալությունը Բաքվում։

«Հանցավոր խմբավորումը, որը գործում է Ադրբեջանի ոչ լեգիտիմ նախագահ Իլհամ Ալիևի շուրջը, համարձակվել է բանտարկել Եվրոպայի խորհրդի մարդու իրավունքների ոլորտում Վացլավ Հավելի մրցանակի դափնեկիր Անար Մամեդլիին։ Ադրբեջանի համար դեպի ԵԽԽՎ հետ ճանապարհ չկա՝ ոչ հիմա, ոչ էլ հունվարին»,- ասվում է գրառման մեջ։

ԱՄՆ–ում ևս խորը մտահոգություն էին հայտնել ադրբեջանցի հայտնի իրավապաշտպան Անար Մամեդլիի ձերբակալության կապակցությամբ։ Նրան ձերբակալել են ապրիլի 29–ին։ Պատճառների մասին մանրամասներ հայտնի չեն։

2013–ին Մամեդլին ազատազրկման էր դատապարտվել տնտեսական հանցագործողությունների մեղադրանքով, որոշ ժամանակ անց ազատ է արձակվել։ Նա հայտնի որպես Ալիևի ռեժիմի քննադատ։

 Ուշագրավ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
---