Քննարկվել են ՀՀ-ԱՄՆ երկկողմ առևտրի ծավալների ավելացման հարցեր 16 մայիսի 2024 - 12:06 AMT PanARMENIAN.Net - ՀՀ էկոնոմիկայի նախարար Գևորգ Պապոյանը և ԱՄՆ Առևտրի դեպարտամենտի քարտուղարի արդյունաբերության և անվտանգության գործակալության արտահանման վերահսկողության հարցերով տեղակալ Մեթյու Աքսելրոդը մայիսի 14-ին Վաշինգտոնում տեղի ունեցած հանդիպմանը քննարկել են ՀՀ-ԱՄՆ երկկողմ առևտրի ծավալների ավելացման հարցեր։ Հանդիպման ընթացքում զրուցակիցներն անդրադարձել են Հայաստանի տնտեսության դիվերսիֆիկացման ընթացքին, քննարկել են ՀՀ-ԱՄՆ երկկողմ առևտրի ծավալների ավելացման, ինչպես նաև երկուստեք հետաքրքրություն ներկայացնող այլ հարցեր, մասնավորապես՝ «Վավերացված վերջնական օգտագործող» ծրագրում Հայաստանի Հանրապետությանը շահառու երկիր ամրագրելու, ամերիկյան որոշ կազմակերպությունների կողմից Հայաստանի Հանրապետության տարածք իրականացվող արտահանումների վրա կիրառվող սահմանափակումների, Հայաստանի Հանրապետությանը «շուկայական տնտեսության կարգավիճակ» տրամադրելու և այլ գործընթացների վերաբերյալ։ Հանդիպմանը մասնակցել են ԱՄՆ-ում ՀՀ դեսպան Լիլիթ Մակունցը և Էկոնոմիկայի նախարարի տեղակալ Նարեկ Հովակիմյանը, հայտնում է էկոնոմիկայի նախարարությունը։ Նույն օրը նախարարը հանդիպել է նաև ԱՄՆ Գյուղատնտեսության դեպարտամենտի առևտրի և գյուղատնտեսության ոլորտում արտաքին հարցերով փոխքարտուղարի տեղակալ Ջեյսոն Հայֆմեյսթերի հետ։ Հանդիպման ընթացքում քննարկվել են ՀՀ պարենային անվտանգության բարձրացմանն ուղղված հնարավոր քայլերը, ՀՀ-ից ԱՄՆ գյուղատնտեսական ապրանքների արտահանման ծավալների ավելացման հնարավորությունները, անհրաժեշտ կարգավորումները, ինչպես նաև գյուղատնտեսության ոլորտում տեխնիկական աջակցության տրամադրման հնարավորությունները։ Հանդիպումների ընթացքում ձեռք են բերվել պայմանավորվածություններ բոլոր նախանշված ուղղություններով աշխատանքների հետագա շարունակականության ապահովման վերաբերյալ։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել  Նա մարզվում է Եվգենի Պլյուշչենկոյի ակադեմիայումՍերժ Սարգսյան. Բագրատ Սրբազանն ասել է` ինքն է թեկնածու, ուրեմն՝ իրեն ենք աջակցում Նա ասել է, որ նոր իշխանություններին կհաջողվի սահմանազատումը բերել օրինական դաշտՌուսական Առաջին ալիքի հեռարձակումը վերսկսվել է․ Պարտքը մարվել է «Հաջորդ օրը Առաջին ալիքն ամբողջությամբ վճարեց պարտքը»,–ասել է ՀայրապետյանըՄԻՊ․ Անթույլատրելի է որևէ պարագայում ոստիկանության կողմից անհամաչափ ուժի կիրառում ՄԻՊ արագ արձագանքման խումբ է մեկնել ոստիկանության Կենտրոնական բաժին |
