  Հայ-իրանական հարաբերությունների ապագան կախված է Մոսկվայից21 մայիսի 2009 - 15:17 AMT PanARMENIAN.Net - Հայ-իրանական հարաբերությունների զարգացումը տրանսպորտի, էներգետիկայի ու առեւտրի ոլորտներում փոխկապակցված է Հայաստանի վրա Ռուսաստանի ազդեցության հետ: Այդ մասին Երեւանում «Հայ-իրանական հարաբերությունների հեռանկարները» թեմայով քննարկման ընթացքում հայտարարել է Ռազմավարական եւ ազգային հետազոտությունների հայկական կենտրոնի (ACNIS) տնօրեն Ռիչարդ Կիրակոսյանը: «Իրան-Հայաստան գազամուղի տրամաչափի նվազեցման ռուսական կողմի պահանջը տնտեսապես անշահավետ դարձրեց այս նախագիծը: Այդպիսով, Հայաստանը շարունակում է լիովին կախված մնալ ռուսական գազից: Մոսկվայի գործողությունները հեռու են ռազմավարական գործընկերոջ քայլերից, ինչպիսին է Ռուսաստանը Հայաստանի համար»,-ասել է հայ փորձագետը: Ելնելով դրանից, Ռ.Կիրակոսյանը հավելել է, որ ցավոք, հայ-իրանական հարաբերությունների ապագան կախված է Մոսկվայից: Ռազմավարական եւ ազգային հետազոտությունների հայկական կենտրոնի տնօրենն ընդգծել է, որ Իրանի հետ հարաբերությունների զարգացման գործում, Հայաստանը որոշակի կախվածություն ունի ԱՄՆ-ից ու ԵՄ-ից: «Միեւնույն ժամանակ, եթե Երեւանը կարողանա համապատասխան արտաքին քաղաքականություն վարել, ապա մեզ կհաջողվի կամուրջ դառնալ Արեւմուտքի ու Իրանի միջեւ: Սակայն դա իրականություն կդառնա միայն եթե Հայաստանը նման նախաձեռնությամբ հանդես գա»,-հայտարարել է Ռիչարդ Կիրակոսյանը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Բաժիններ թեմայով Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
