Պարգևատրական զենք ունեցողները պետք է մինչև հուլիսի 1–ը ներկայացնեն այն ոստիկանություն 24 փետրվարի 2025 - 17:24 AMT PanARMENIAN.Net - Ներքին գործերի նախարարությունը նախաձեռնել է «Զենքի շրջանառության կարգավորման մասին» օրենքում փոփոխություններ, որոնք խստացնում են պարգևատրական զենքերի իրավական կարգավորումը։ Մինչև 2025-ի հուլիսի 1-ը բոլոր պարգևատրական զենք ունեցողները պետք է իրենց զենքերը ներկայացնեն ոստիկանություն։ Նշվում է, որ այս պահանջը որևէ քրեաիրավական հետևանք չի առաջացնի, հայտնում է Արմենպրեսը։ Նախագծի հիմնավորման մեջ նշվել է, որ հրազենի կիրառմամբ հանցագործությունները լուրջ վտանգ են ներկայացնում հասարակության համար, ուստի ոլորտի վերահսկողության խստացումը կարևոր է հանրային անվտանգության ապահովման տեսանկյունից։ Այս փոփոխության նպատակն է ստեղծել միասնական չափորոշիչներ պարգևատրական զենքի հատկացման համար, վերացնել անորոշությունները և ապահովել կանխատեսելի անվտանգային համակարգ։ Պարգևատրական զենքերը կպահպանվեն միայն այն անձանց մոտ, ովքեր կհամապատասխանեն նոր սահմանված չափանիշներին։ Միևնույն ժամանակ, պարգևատրական զենքերի հատկացման մեխանիզմը կմնա անփոփոխ՝ այն իրականացվելու է բացառապես ՀՀ վարչապետի որոշմամբ։ Ոստիկանություն ներկայացված զենքերը հնարավոր կլինի օգտագործել գիտակրթական նպատակներով կամ թանգարանային ցուցադրությունների համար։ Նախագծի ընդունմամբ պետությունը կուժեղացնի վերահսկողությունը, ինչը կնպաստի ապօրինի շրջանառության կրճատմանը և հանրային անվտանգության ամրապնդմանը։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
