Նոյեմբերի 1-ից կգործարկվի ոստիկանության գվարդիան՝ նոր սպառազինությամբ 7 մարտի 2025 - 18:47 AMT PanARMENIAN.Net - Ոստիկանության գվարդիան, որը ՆԳՆ բարեփոխումների կարևոր բաղադրիչներից է, կգործի նոյեմբերի 1-ից՝ համալրված նոր սպառազինությամբ և վերապատրաստված անձնակազմով՝ ստանձնելով մի շարք պատասխանատու գործառույթներ, հայտնում է ՆԳՆ–ն։ Գվարդիան իրականացնելու է հասարակական կարգի պահպանություն, հասարակական անվտանգության ապահովում, ռազմավարական նշանակության օբյեկտների պաշտպանություն, պետական արարողակարգով նախատեսված պատվիրակությունների ուղեկցում, ինչպես նաև ռազմական և արտակարգ դրության պայմաններում իրավական ռեժիմի պահպանում։ Գվարդիայի արդյունավետությունը բարձրացնելու նպատակով, Լիտվայի հանրային անվտանգության ծառայության հրամանատար Վիկտորաս Գրաբաուսկասի գլխավորած պատվիրակությունը ժամանել է Հայաստան՝ միջազգային փորձի փոխանակման և գործընկերային կապերի ամրապնդման համար։ Այցի շրջանակում կազմակերպվել է կլոր սեղան-քննարկում՝ «ԵՄ-ում ոստիկանական գվարդիաների կառուցվածքը, գործառույթները և լավագույն փորձը» թեմայով, որին մասնակցել են Ոստիկանության զորքերի հրամանատար Հայկ Բաբայանը, Լիտվայի հանրային անվտանգության ծառայության հրամանատար Վիկտորաս Գրաբաուսկասը, ՆԳ նախարարության ներկայացուցիչներ և միջազգային փորձագետներ։ Քննարկումների ընթացքում մանրամասն անդրադարձ է կատարվել գվարդիայի կառուցվածքային առանձնահատկություններին, տեխնիկական ապահովվածությանը, զարգացման ուղղություններին և գործընկեր կառույցների հետ համագործակցության հեռանկարներին։ Լիտվական Հանրային անվտանգության ծառայության փորձի ուսումնասիրման միջոցով քննարկվել են կառավարման մոդելները և փոխգործակցության հնարավորությունները։ Պատվիրակության անդամները նաև շրջայց են կատարել ՆԳՆ Ոստիկանության զորքերում՝ ծանոթանալով նյութատեխնիկական հագեցվածությանն ու ծառայության մարտահրավերներին։ Այցի ավարտին, Ոստիկանության զորքերի հրամանատարը պատվիրակության անդամներին պարգևատրել է արդյունավետ համագործակցության համար։ Հյուրերն այցելել են նաև ՆԳՆ կրթահամալիր, որտեղ մասնակցել են ԵՄ կողմից ֆինանսավորվող «Աջակցություն Հայաստանում իրավապահ մարմինների և անվտանգության ոլորտի բարեփոխումներին» ծրագրի շրջանակում երկշաբաթյա վերապատրաստման ավարտական արարողությանը՝ հանձնելով հավաստագրեր։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
