«Glogal Finance» ամսագիրը Հայաստանի լավագույն բանկ է ճանաչել «HSBC Բանկ Հայաստանը»

26 մայիսի 2009 - 17:34 AMT

PanARMENIAN.Net - «Էյչ-Էս-Բի-Սի Բանկ Հայաստանը» Նյու-Յորքյան «Գլոբալ Ֆայնենս» ամսագրի կողմից անցկացվող «2009թ.-ի Աշխարի զարգացող շուկաների լավագույն բանկն Ասիայում» անվանակարգում արդեն երկրորդ տարին անընդմեջ ճանաչվել է որպես լավագույն բանկը Հայաստանում: Ինչպես հաղորդում է բանկի մամլո ծառայությունը, Էյչ-Էս-Բի-Սի Բանկ Հայաստանը ճանաչվել է լավագույն բանկը Հայաստանում, իսկ Էյչ-Էս-Բի-Սի-ն` Ասիայի տարածաշրջանում:

Հաղթողներն ընտրվել են ակտիվների աճ, շահութաբերություն, ռազմավարական հարաբերություններ, հաճախորդների սպասարկում, մրցակցային սակագներ, ինչպես նաեւ նոր ծառայություններ չափանիշներով: Տարածաշրջանի եւ 20 երկրների զարգացող շուկաներում լավագույն բանկի ընտրությունն իրականացվել է «Գլոբալ Ֆայնենս»-ի EUբագիրների, ինչպես նաեւ ոլորտի վերլուծաբանների, ղեկավար աշխատակիցների եւ բանկային խորհրդատուների կարծիքների հիման վրա:

Հետազոտության արդյունքները կհրապարակվեն «Գլոբալ Ֆայնենս» ամսագրի 2009թ.-ի մայիսյան համարում:

Էյչ-Էս-Բի-Սի Բանկ Հայաստան ՓԲԸ-ն առաջին միջազգային բանկն է Հայաստանում, որը բացվել է 1996 թվականին: Բանկի բաժնետոմսերի 70 տոկոսը պատկանում է Էյչ-Էս-Բի-Սի Բանկ Փի Էլ Սի-ին, իսկ մնացած 30 տոկոսը` սփյուռքահայ ներդրողներին: Բանկն առաջարկում է բազմատեսակ ծառայություններ ֆիզիկական եւ իրավաբանական անձ հանդիսացող հաճախորդներին, այդ թվում անհատական վարկային ծառայություններ, առեւտրավարկային ծառայություններ, ինչպես նաեւ ֆինանսական շուկայում գործառնություններ: Այն հանդիսանում է առաջատար բանկ արտարժույթի առք ու վաճառքի շուկայում: Էյչ-Էս-Բի-Սի Բանկ Հայաստան ՓԲԸ-ն ունի 10 մասնաճյուղ եւ գրասենյակ Երեւանում, ինչպես նաեւ 45 բանկոմատ:

2009 թվականի ընթացքում Բանկը կշարունակի իր զգալի ներդրումները` նոր տեխնոլոգիական միջոցների զարգացման ասպարեզում: Բանկը մեկնարկել է հեռախոսային բանկային ծառայություններ եւ մինչեւ 2009 թվականի առաջին կիսամյակի ավարտը նախատեսում է մեկնարկել ինտերնետային բանկային ծառայություններ, որոնք բանկային համակարգն ու հաճախորդների սպասարկումը Iբերեն նոր մակարդակի: Շուտով բանկի հաճախորդները կունենան մասնաճյուղերի, բանկոմատների, հեռախոսային եւ ինտերնետային բանկային ծառայությունների միջեւ ընտրության հնարավորություն:

2009-ի մարտի 31-ի դրությամբ բանկի ընդհանուր կապիտալը կազմում է 14 877 392 հազ. դրամ, ակտիվները` 128 233 974 հազ. դրամ, պարտավորությունները` 113 356 582 հազ. դրամ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով