Երեւանի Ավագանու խորհրդի ընտրությունները ցույց տվեցին, որ ՀԱԿ-ը լուրջ ուժ չի դարձել 5 հունիսի 2009 - 22:36 AMT PanARMENIAN.Net - «Ժառանգությունը» մտադիր է հայտարարությամբ հանդես գալ մայիսի 31-ին տեղի ունեցած Երեւանի Ավագանու խորհրդի ընտրությունների նկատմամբ դիրքորոշման մասին: Միաժամանակ, կուսակցությունը կարծում է, որ այս ընտրությունները նախկինից տարբերվում էին նրանով, որ կեղծիքները նոր մակարդակի վրա են բարձրացել, քանակական ցուցանիշներից անցել են որակականի: Այդ մասին հունիսի 5-ին տեղի ունեցած մամլո ասուլիսի ժամանակ հայտարարել է «Ժառանգություն» խորհրդարանական խմբակցության քարտուղար Արմեն Մարտիրոսյանը:Նա նաեւ ավելացրեց, որ անցյալ տարվա նախագահական ընտրություններն ավելի ակտիվ էին, քան Երեւանի Ավագանու խորհրդի ընտրությունները: Նախագահական ընտրությունների ժամանակ մայրաքաղաքում ընտրողների թիվը կազմել է 80 տոկոս, եւ այն, որ Հայաստանում բավական մեծ ընդդիմական էլեկտորատի առկայության դեպքում մայիսի 31-ի ընտրություններին մասնակցել է ընտրողների 52 տոկոսը, ՀԱԿ-ի սխալ հաշվարկների արդյունք է: «Կարող ենք համոզված ասել, որ ընդդիմական էլեկտորատի մեծ մասը մնացել է տանը եւ ընտրությունների չի գնացել»,- ընդգծել է Մարտիրոսյանը: Նա ասաց, որ, չնայած խախոտումներին, ընտրություններին մասնակցել է ձայնի իրավունք ունեցող քաղաքացիների 40 տոկոսը: Մարտիրոսյանը նաեւ կարծում է, որ լուրջ արդյունքների հասնել, ընդհուպ մինչեւ հաղթանակ, կարելի է ցանկացած ընտրությունների ժամանակ, եթե քարոզարշավը կառուցել լուրջ եւ օբյեկտիվ գնահատականների վրա: Այլապես Հայաստանում ընտրությունները միշտ կլինեն այնպիսին, ինչպիսին եղել են մինչեւ այժմ: Մարտիրոսյանի հետ մամլո ասուլիսին մասնակցող «Ժառանգություն» խորհրդարանական խմբակցության անդամ Զարուհի Պոստանջյանը նշեց, որ «ընդդիմությունը, որը Երեւանում հաղթանակի հավակնորդ էր, այսօր քաղաքացիների մոտ վստահություն չունի»: Նա նաեւ նշեց, որ ՀԱԿ հավաքած ձայները վկայում են այն մասին, այս ուժը չկայացած է եւ ընտրություններին անկազմակերպ է գնացել: Զարուհի Պոստանջյանն ընդգծեց, որ ժողովրդական մանդատի հավակնորդը պետք է կանգնի ժողովրդի կողքին եւ ամենօրյա աշխատանք տանի: Միաժամանակ նա հիշել է անցյալ տարվա նախագահական ընտրությունների մասին, նշելով, որ «անկախ նրանից, Լեւոն Տեր-Պետրոսյանը կալանքի տակ է, թե ոչ, նա պետք է ժողովրդի կողքին լինի»: Պատգամավորը նաեւ նշեց, որ ՀԱԿ-ը պետք է այս ընտրություններից լուրջ հետեւություններ կատարի, քանի որ այս ընտրություններին հնացած ձեւաչափով եւ հնացած ցուցակներով մասնակցելը նրա պարտության պատճառներից էր: Նա նաեւ հայտարարեց, որ ՀԱԿ-ը չպետք է դժգոհի նրանից, որ իրենք սեփական ձեռքերով կուրացրել են իրենց: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Էջմիածնից 6 բերման ենթարկված կա զենք–զինամթերք պահելու կասկածանքով Ըստ շարժման, բերման են ենթարկվել «Էջմիածին» դաշինքի ավագանու անդամները, որոնք պատրաստվում էին դիմավորել Փաշինյանին Հունահայոց կազմակերպությունները զորակցություն են հայտնել «Տավուշը հանուն հայրենիքի» շարժմանը «Թափ առած շարժումը ուղղակի մերժումն է ժողովուրդին կողմից՝ իր հաշվին կայացվող որոշումների»,–ասվում է հայտարարության մեջ Մայիս Ներսիսյանը ոսկե մեդալ է նվաճել սամբոյի ԵԱ–ում․ ՀՀ-ն 9 մեդալ ունի Ֆեդերացիայի նախագահ Միքայել Հայրապետյանն ընտրվել է Եվրոպայի ֆեդերացիայի փոխնախագահ Փաստաբան․ Ազատի զինկացարանում հրդեհի գործով մեղադրանք է առաջադրվել հերթապահ ժամկետայինի Նա նշել է, որ զոհված 15 զինծառայողի ծնողների հետ միասին մինչև վերջ հետամուտ են լինելու գործի բացահայտմանը |