On-line համակարգին միացան ՎՏԲ-Հայաստան բանկի 57 մասնաճյուղեր

15 հունիսի 2009 - 13:10 AMT

PanARMENIAN.Net - ՎՏԲ-Հայաստան բանկը, որն ունի ամենախոշոր մասնաճյուղային ցանցը Հայաստանում (78 մասնաճյուղ), հաջողությամբ իրագործում է իր on-line ներկայությունը ընդլայնելու ծրագիրը երկրի մարզերում: Այդ մասին հաղորդում է բանկի մամլո ծառայությունը:

2009թ. հունիսի 15-ի դրությամբ համակարգին միացվել են բանկի 57 մասնաճյուղեր. Երեւանում` 31, Հրազդանում` 2, մեկական մասնաճյուղ` Վեդի, Արտաշատ, Մասիս, Էջմիածին, Գավառ, Մարտունի, Վարդենիս, Դիլիջան, Եղեգնաձոր, Ջերմուկ, Վայք, Սիսիան, Գորիս, Մեղրի, Ղափան, Չարենցավան, Իջեւան, Թումանյան, Նոյեմբերյան, Արթիկ, Թալին, Արմավիր, Բերդ քաղաքներում եւ Բաղրամյան գյուղում:

ՎՏԲ-Հայաստան բանկի Գործառնական դեպարտամենտի տնօրեն Ա.Սարգսյանի խոսքերով. «Պահպանելով աշխատանքների առկա տեմպը մենք յուրաքանչյուր շաբաթ միացնում ենք on-line ցանցին 3-4 մասնաճյուղեր: Մեր նպատակն է. ավարտել ողջ գործընթացը մոտակա երկու ամիսների ընթացքում»:

Ինչպես նշվում է հաղորդագրության մեջ, այսպիսով ՎՏԲ-Հայաստան բանկն ակտիվորեն կյանքի է կոչում նպատակային ծրագիր ուղղված հաճախորդների սպասարկման որակի բարձրացմանը եւ ժամանակակից տեխնոլոգիաների օգտագործմամբ հաղորդակցության զարգացման քաղաքականության իրագործմանը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով