GSP+ համակարգը կբարձրացնի հայկական ապրանքների մրցունակությունն եվրոպական շուկաներում

31 հուլիսի 2009 - 12:51 AMT

PanARMENIAN.Net - Ուրբաթ օրը կազմակերպված պրակտիկ կուրսի հիմնական նպատակն էր ծանթացնել հայկական բիզնես հանրությանը ճգնաժամի պայմաններում GSP+ համակարգի օգտագործման առավելությունների հետ: Այդ մասին լրագրողներին է հաղորդել էկոնոմիկայի փոխնախարար Վահե Դանիելյանը Երեւանում մեկնարկած աշխատանքային հանդիպմանը, որը նվիրված էր ՀՀ-ում Արտոնությունների ընդհանրացված համալրված համակարգի (GSP+) բարելավված ռեժիմի կիրառմանը` ԵՄ-ի «Տեխնիկական աջակցության եւ տեղեկատվության փոխանակման գործիք» (TAIEX) ծրագրի շրջանակներում:

Նրա խոսքերով, այդ համակարգը բարդ կառուցվածք ունի, որ կազմված է ադվալորային ու սակագնային տարրերից առանձին կամ համատեղ: «Եթե ապրանքի հանդեպ կիրառվում է միայն ադվալորային կամ միայն սակագնային դրույք, ապա այդ դեպքում դրույքն ամբողջապես վերացվում է»,-պարզաբանել է նա: Դանիելյանը հավելել է, որ եթե ապրանքն ունի եւ ադվալորային, եւ սակագնային դրույք, ապա ադվալորային դրույքը մնում է (ապրանքի հարկադրումը կախված է նրա քաշից), իսկ սակագնայինը` դուրս է մնում: «Եթե մենք խոսում ենք ծավալների մասին, ապա եթե արտաքին առեւտրում կա շուրջ 10 000 ծածկագրային անվանում, ապա այդ անվանումների 80 տոկոսի հանդեպ կիրառելի է GSP+ համակարգը, իսկ տոկոսադրույքը կարող է հասնել ողջ ապրանքի արժեքի 52 տոկոսին եւ այն հավասարվում է 0 տոկոսի»,-ասել է նա: Փոխնախարարը նշել է, որ նման համակարգը բարձրացնում է հայկական ապրանքների մրցունակությունն, առավելություն տալով այն երկրներին, որոնք ձգտում են իրացնել իրենց ապրանքները եվրոպական շուկաներում:

Դանիելյանը հաղորդել է, որ զգալի նախապատրաստական աշխատանք է տարվել, համապատասխանեցնելու համար եվրոպական չափանիշներն ու հայկական օրենսդրության պահանջները ու նախարարության աշխատանքըն ընդհանուր առմամբ, որի արդյունքում Հայաստանը միացավ ԵՄ 27 կոնվենցիաներին: «Մենք պետք է հասկանանք, թե ինչ պարտավորություններ է ստանձնում ՀՀ-ն, քանի որ GSP+ համակարգը շնորհվում է երկրին երեք տարին մեկ, ուստի այս առումով մենք պետք է առավել հետեւողական լինենք»,-ասել է փոխնախարարը:

Մինչեւ տարեվերջ ՀՀ-ի եւ ԵՄ-ի միջեւ գործում էր Արտոնությունների ընդհանրացված համաձայնագիրը (GSP), որի համաձայն հայկական ապրանքներն արտահանվում էին եվրոպական շուկա իջեցված սակագներով: Իսկ 2009 թ. հունվարի 1-ից Հայաստանն անցավ Արտոնությունների ընդհանրացված համաձայնագիրը (GSP+) բարելավված ռեժիմի կիրառմանը: GSP+-ը վերաբերում է ապրանքների շուրջ 6400 անվանումների, որոնց համար գործում է զրոյական մաքսային տուրք կամ զրոյին մոտ դրույքներ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով