  Ռիչարդ Գիրագոսյան. Հայ-թուրքական սահմանի բացումը չպետք է որպես նվեր ընկալվի Հայաստանի համար13 օգոստոսի 2009 - 19:23 AMT PanARMENIAN.Net - «Հայ-թուրքական սահմանի բացումը չպետք է որպես պարգեւ կամ նվեր ընկալվի Հայաստանի համար, դա ամենաքիչ բանն է, որ կարող է անել Թուրքիան, պետք չէ նրան դրա համար գովաբանել»,- այսօր Երեւանում կայացած «Հայ-թուրքական հարաբերությունները` անցյալն ու ապագան» սեմինարի ժամանակ հայտնել է ռազմավարական եւ ազգային հետազոտությունների հայկական կենտրոնի տնօրեն Ռիչարդ Գիրագոսյանը: Նրա խոսքով, Ռուսաստանի եւ Թուրքիայի վարչապետների հանդիպումից հետո տեղեկատվություն է հայտնվել, թե Թուրքիան, այնուամենայնիվ, որոշել է բացել Հայաստանի եւ Թուրքիայի միջեւ սահմանը երկու երկրների ֆուտբոլի հավաքականների հանդիպմանը ՀՀ նախագահ Սերժ Սարգսյանի այցի համար:«Եթե հայ-թուրքական սահմանը բացվի միայն այդ օրվա համար, ապա դա ոչ մի կերպ ձեռնտու չէ հայկական կողմի համար»,- ընդգծել է Ռիչարդ Գիրագոսյանը: Ընդ որում, Գիրագոսյանը նշել է, որ Հայաստանի հետ սահմանի բացման մասին Թուրքիայում հնչող հայտարարությունները ոչ միայն ներկայացում են Արեւմուտքի եւ ԱՄՆ համար, այլեւ թուրք-ադրբեջանական հարաբերությունների սառեցման ցուցադրում, ինչը շահավետ է Հայաստանին: Թուրքիան այլեւս կախում չունի Ադրբեջանից: Այնուամենայնիվ, Հայաստանի հետ հարաբերությունների կարգավորումը չի նշանակում, որ Անկարան վերջապես որոշել է ճանաչել պատմական փաստերը: Թուրքիան ընդամենը ցանկանում է ցույց տալ, որ մեծ ազդեցություն ունի տարածաշրջանում»,- ասել է Ռիչարդ Գիրագոսյանը: Գիրագոսյանը նաեւ կիսվել է Ստամբուլ կատարած իր այցելության տպավորություններով: «Թուրքական կողմի բոլոր գործողությունները ցույց են տալիս, որ Թուրքիան մտադիր չէ բացել սահմանը»,- ասել է նա` նշելով, որ եթե Թուրքիան հրաժարվի իր գործողություններից եւ բաց թողնի հայ-թուրքական հարաբերությունների կարգավորման հնարավորությունը, ապա դա միայն կարդարացնի իր հանդեպ եղած անվստահությունը: «Եթե հայ-թուրքական սահմանն իսկապես չբացվի, կարեւոր է, որ հաղթահարվել են մարդկանց մտքի սահմանները»,- նշել է Ռիչարդ Գիրագոսյանը` բացատրելով դա նրանով, որ երկրների միջեւ հարաբերությունների կարգավորման շուրջ բանակցությունների շնորհիվ Հայոց ցեղասպանության հարցը Թուրքիայում սկսել են շատ ավելի հաճախ քննարկել, քան նախկինում, ինչն ի օգուտ Հայաստանի է:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Բաժիններ թեմայով Վերջին լուրեր Վարդապետյան. «Մարտի 1»-ի գործով նոր փամփուշտներ կան` ուղարկվել են փորձաքննության  «Այո, նոր են, մարդիկ ներկայացնում են»,–ասել է նաԿԳՄՍՆ․ «Վերջին դաս»-ը կազմակերպելիս բացառել դրամահավաքը Վերջին դասը նախատեսված է մայիսի 24-ին և 25-ինԱԺ պատգամավորները Վաշինգտոնում ԱՄՆ սենատորներին են ներկայացրել ՀՀ-Ադրբեջան խաղաղության գործընթացը Նրանք կարևորել են ԱՄՆ ակտիվ աջակցությունը տարածաշրջանում երկարատև խաղաղության հաստատմանըՔոչարյանի գրասենյակը հերքել է Բագրատ սրբազանի հետ հանդիպման մասին լուրը «Սա հերթական ֆեյքն է իշխանությունների կողմից»,-ասել է Միկոյանը |
