ՌՈՒՍԱՍՏԱՆԻ «ԼՈՒԿՕՅԼ» ՆԱՎԹԱՅԻՆ ԸՆԿԵՐՈՒԹՅՈՒՆԸ ՀՐԱԺԱՐՎԵԼ Է ԲԱՔՈՒ-ԹԲԻԼԻՍԻ-ՋԵՅՀԱՆ ՆԱՎԹԱՄՈՒՂԻ ԿԱՌՈՒՑՄԱՆԸ ՄԱՍՆԱԿՑԵԼՈՒՑ18 ապրիլի 2002 - 23:40 AMT PanARMENIAN.Net - Ռուսաստանի «ԼՈՒԿօյլ» նավթային ընկերությունը հրաժարվել է իր անմիջական մասնակցությունը բերել Բաքու-Թբիլիսի-Ջեյհան նավթամուղի շինարարության նախագծի իրականացմանը: Այդ մասին Լոնդոնում ընթացող միջազգային էներգետիկ կոնֆերանսի ժամանակ հայտարարել է ընկերության փոխնախագահ Ջիվան Չելոյանցը: «Մեր ընկերությունը չի ֆինանսավորի եւ չի մասնակցի նավթամուղի կառուցմանը»,-հայտարարել է նա: Հիշեցնենք, որ անցյալ տարվա դեկտեմբերին «ԼՈՒԿօյլի» նախագահ Վագիթ Ալեքպերովը Բաքվում հայտարարել էր, որ ընկերությունը անպայման կմասնակցի նախագծի իրականցմանը եւ հույս ունի բաժին ստանալ կոնսորցիումում 7,5 տոկոսի չափով: «ԼՈՒԿօյլի» ղեկավարների տրամադրության անսպասելի փոփոխությունը Բաքվում բացատրում են Ռուսաստանի կառավարության կողմից ցուցաբերած ճնշումով, որը ի սկզբանե դեմ էր Բաքու-Թբիլիսի-Ջեյհան նավթամուղի շինարարությանը ռուսաստանյան նավթային ընկերությունների ներգրավմանը: Պաշտոնական Մոսկվան ժխտում է իր ազդեցությունը ընկերության ղեկավարության կողմից որոշման ընդունման գործընթացի վրա: Այնինչ, հայտնի է, որ Պետական Դումայում մի քանի անգամ լրջորեն քննարկվել է մի օրենքի ընդունման նպատակահարմարության մասին հարցը, որը կարգելեր ռուսաստանյան նավթային ընկերություններին մասնակցել Բաքու-Ջեյհան նավթամուղի կառուցմանը: Ինչը պատճառաբանվում էր այն բանով, որ դա «հակասում է Ռուսաստանի քաղաքական եւ տնտեսական շահերին»: Այդ նախաձեռնությանը աջակցելու մասին անցյալ տարվա նոյեմբերին հայտարարել էր նաեւ արտաքին գործերի նախարարի տեղակալ Վիկտոր Կալյուժնին: Իսկ օրերս Ռուսաստանի փոխվարչապետ Վիկտոր Խրիստենկոն հայտարարել է, որ Մոսկվան չի տեսնում Բաքու-Թբիլիսի-Ջեյհան նավթամուղի շինարարության նախագծի տնտեսական նպատակահարմարությունը: Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |