Սթար սուպերմարկետում մեկնարկում է «Միշտ ցածր գին» ծրագիրը 8 սեպտեմբերի 2009 - 13:12 AMT PanARMENIAN.Net - «Սթար» ընկերությունը ցանցի վերակազմակերպման ծրագրի շրջանակներում, որը ենթադրում է նպատակաուղղվածություն գնորդների պահանջների առավելագույն բավարարմանը, անց է կացրել վերլուծություն, որի համաձայն, մարդկանց 90 տոկոսը գների ընդունելի մակարդակը չափազանց կարեւոր գործոն է համարում ամենօրյա սպառման ապրանքներ գնելիս: «Հաշվի առնելով այդ գործոնը` «Սթարը» որոշում է կայացրել նոր գնային ռազմավարությամբ համալրել իր փրոմոակտիվությունը», - տեղեկացրել է «Սթարի» կոմերցիոն տնօրեն Նարինե Ավետիսյանը: Նրա խոսքերով, ի լրումն կանոնավոր գնային ակցիաների` ցանցի սուպերմարկետների աշխատանքում ներդրվել է հատուկ փրոմո-ծրագիր` «Միշտ ցածր գին» անվանումով: Դրա էությունն առաջարկվող ապրանքատեսականու գների մշտական եւ հետեւողական պահպանումն է միջին շուկայականից ցածր մակարդակում: Ռազմավարության հիմք են դարձել զանգվածային սպառման հիմնական ապրանքների 120 անվանումներ` սպառողական զամբյուղում ներառված սոցիալապես նշանակալի եւ բրենդային ապրանքներ, որոնք «Սթարի» գնորդների շրջանում առավել ժողովրդականություն վայելող եւ պահանջված ապրանքներ են: «Նման համակարգի շնորհիվ յուրաքանչյուր ընտանիք մեզ մոտ կգտնի իր ապրանքը, որը համապատասխանում է իր պահանջներին եւ հնարավորություններին», - ընդգծել է Ն. Ավետիսյանը: Հիշեցնենք, որ «Սթար» ընկերությունն արդեն ավարտել է միջազգային ստանդարտների հիման վրա բիզնեսի լայնածավալ վերակազմակերպմանը նպատակաուղղված աշխատանքների մի մասը` զարգացման նոր որակական մակարդակի ապահովման նպատակով, ասվում է ընկերության մամլո հաղորդագրության մեջ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |