Վախճանվել է ՀՀ վարչապետի խորհրդատու Ֆադեյ Սարգսյանը

Ֆադեյ Տաճատի Սարգսյանը ծնվել է 1923 թ-ի սեպտեմբերի 18-ն, Երեւանում: Սովորել է Երեւանի ճարտարագիտական համալսարանում (1940-1942թթ), ավարտել է Ս.Մ. Բուդոննու անվան ռազմական էլեկտրատեխնիկական ակադեմիան (1942-1946թթ): 1977 թ-ն նշանակվել էր Հայաստանի ԽՍՀ-ի Նախարարների խորհրդի նախագահ: Նա Հայաստանի գիտությունների ակադեմիայի տեխնիկական գիտությունների դոկտոր էր (1971), Ինֆորմատիկայի միջազգային ակադեմիայի անդամ (1995), Պորտուգալիայի պատմության ակադեմիայի անդամ (1995), Ճարտարագիտական միջազգային ակադեմիայի պատվավոր անդամ (1994), Փարիզի «Արարատ» Միջազգային ակադեմիայի պատվավոր անդամ (1994), Հայաստանի փիլիսոփայության ակադեմիայի անդամ (1991), Տեղեկատվության մշակման միջազգային դաշնության գլխավոր վեհաժողովի անդամ (1995), Գիտությունների միությունների միջազգային ասոցիացիայի գլխավոր վեհաժողովի անդամ (1993): Սարգսյանը զբաղեցնում էր ՀՀ վարչապետի խորհրդատուի պաշտոնը: