Բաքվում հայկական ջարդերը Արեւելյան Անդրկովկասում Հայերի ցեղասպանության շարունակությունն էին

Բաքվում հայկական ջարդերը   Արեւելյան Անդրկովկասում  Հայերի ցեղասպանության շարունակությունն էին

PanARMENIAN.Net -
Բաքվում հայկական ջարդերը Արեւելյան Անդրկովկասում Հայերի ցեղասպանության շարունակությունն էին, որ սկսվել էին դեռեւս 20-րդ դարի սկզբին: Այս մասին Երեւանում տեղի ունեցած մամլո ասուլիսի ժամանակ ասել է ԵՊՀ պրոֆեսոր, քաղաքագետ Ալեքսանդր Մանասյանը: «1980-ականների վերջերին Ադրբեջանի ողջ տարածքում բազում փորձերից հետո իրականացվեց Հայերի ցեղասպանություն: Ոչնչացվեց պետականություն ձեւավորող մի ժողովուրդ, որը մահմեդականների հետ միասին ակտիվորեն մասնակցել էր Խորհրդային Ադրբեջանի կազմավորմանը», - հայտարարել է քաղաքագետը: Նրա խոսքերի համաձայն, Ադրբեջանում իրականացված հայերի ջարդերը մինչ օրս բացահայտված չեն, բայց վաղ թե ուշ պարզ կդառնա, թե ինչու «գորբաչովյան Մոսկվան» այդ օրերին ոչինչ չձեռնարկեց ողբերգությունը կանխելու համար:



«Այսօր անհրաժեշտ է, որպեսզի Հայաստանն ու ողջ աշխարհը գնահատական տա այդ իրադարձություններին: Անհրաժեշտ է ճիշտ ներկայացնել այդ հիմնախնդիրը տեղեկատվական դաշտում», - ընդգծել է քաղաքագետը:



Ինչպես նշել է Մանասյանը, գոյություն ունեն հսկայական վավերագրական փաստեր, որոնք վկայում են այդ ջարդերի մասին, հայերի սպանությունների մասին հրապարակվել են բազում քրեական գործեր, սակայն սպանվածների իրական թիվը դեռեւս հնարավոր չի եղել պարզել:

Բաքվում հայերի ջարդեր

Ադրբեջանական ԽՍՀ մայրաքաղաք Բաքվում հայերի ջարդերը սկսվեցին 1990 թ. հունվարի 13-ին եւ շարունակվեցին 7 օր: Ջարդերի ընթացքում կոտորվեցին 300 հայ, սակայն մինչ օրս զոհերի ստույգ թիվը ճշտված չէ: Բաքվում տեղի ունեցածը, ինչպես հաստատել է Human Rights Watch զեկուցող Ռոբերտ Քուշները, տարերային աղետ չէր, այն կազմակերպված էր, դա է ապացուցում այն, որ ջարդարարներն ունեցել են իրենց զոհերի ցուցակներն ու նրանց հասցեները:

 Ուշագրավ