Էրդողան. Թուրքիան չպետք է ամաչի իր պատմության համար 1 ապրիլի 2010 - 13:57 AMT PanARMENIAN.Net - Թուրքիան չպետք է ամաչի իր պատմությունից: Այդ մասին հայտարարել է Թուրքիայի վարչապետ Ռեջեփ Թայիփ Էրդողանը` մեկնաբանելով ԱՄՆ Ներկայացուցիչների պալատի արտաքին գործերի հանձնաժողովի եւ Շվեդիայի խորհրդարանի կողմից Հայոց ցեղասպանության մասին բանաձեւի ընդունումը: «Ոչ Շվեդիան, ոչ ԱՄՆ-ն ոչ մի կապ չունեն այն դեպքերի հետ, որոնք տեղի են ունեցել մոտ մեկ դար առաջ»,- ասել է Էրդողանը ժողովրդին ուղղված ամենշաբաթյա հեռուստաուղերձում: Նրա խոսքերով, չկան համապատասխան գիտական հետազոտություններ, որոնք կարող էին լույս սփռել 1915-ի դեպքերի վրա: Էրդողանը քաղաքական գործիչներին մեղադրել է նրանում, որ նրանք օգտագործում են Հայոց ցեղասպանության փաստը` ելնելով իրենց երկրների ներքաղաքական եւ արտաքին քաղաքական շահերից: «Թուրքիան այն դիրքորոշմանն է հարում, որ պատմությամբ պետք է զբաղվեն պատմաբանները եւ հենց նրանք պետք է ընդունեն որոշումներ»,- հայտարարել է Ռեջեփ Թայիփ Էրդողանը: Մարտի 4-ին ԱՄՆ Ներկայացուցիչների պալատի արտաքին գործերի հանձնաժողովն ընդունել է Հայոց ցեղասպանության մասին 252 բանաձեւը, մարտի 11-ին Շվեդիայի խորհրդարանը ճանաչել է Հայոց ցեղասպանությունը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Փաշինյան․ Սահմանազատումով վերարտադրվում է ՀՀ պետսահմանը, զիջում անվանելն անտրամաբանական է Նա նշել է, որ 1991–ի դրությամբ դե-յուրե գոյություն ունեցող սահմանները Հայկական ԽՍՀ-ի և Ադրբեջանական ԽՍՀ-ի միջև սահմաններն են Փաշինյան․ Պապ թագավորն այլևս չի սպանվելու՝ ինչ վեղար էլ հագնեն, քանի կգ-անոց խաչ էլ դոշներից կախեն Նա ասել է, որ այսօրվա ՀՀ–ն Պապ թագավորի երազանքի իրագործումն է Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: Սերժ Սարգսյան․ Վերադառնալու ցանկություն չունենք՝ կսատարենք Բագրատ սրբազանի առաջարկած վարչապետի թեկնածուին Նա հայտարարել է, որ իրենք ամբողջովին սատարում են այս շարժմանը |