Արմեն Մարտիրոսյան. Կառավարությունը պետք է լրացուցիչ գումարներ գտնի վետերանների ավանդների հատուցման համար 7 ապրիլի 2010 - 17:12 AMT PanARMENIAN.Net - Խորհրդարանի կողմից "2010 թվականի Հայաստանի պետբյուջեի մասին" օրենքում փոփոխություններ կատարելու մասին օրինագծի քննարկման ժամանակ, որը նախատեսում է Մեծ հայրենական պատերազմի վետերաններին "սառեցված" խորհրդային ավանդների արտահերթ վճարում, ՀՅ Դաշնակցությունից Հայաստանի խորհրդարանի պատգամավոր Արծվիկ Մինասյանը նկատեց, որ օրենքը վերջնական մշակված չէ և փոփոխությունների կարիք ունի: Մասնավորապես, ներդրումները պետք է ստանան ոչ միայն այսօր կենդանի վետերանները, այլև հետխորհրդային շրջանում մահացածների ընտանիքներն ու ժառանգները: "Օրինագծի գաղափարը ողջունվում է, բայց չարժե այն կիսամշակ վիճակում քվեարկության առաջադրել, դա կարող է սոցիալական խմբերի հակադրման պատճառ դառնալ",- ասաց Մինասյանը: "Օրինաց երկիր" խորհրդարանական խմբակցության անդամ Հովհաննես Մարգարյանն իր հերթին ողջունեց օրինագիծն ու ասաց, որ այն արդարացված է թե սոցիալական, թե բարոյական իմաստով: Կոալիցիան նույնպես նմանատիպ օրենսդրական նախաձեռնություն ներկայացրեց և առաջարկեց միավորել իր նախաձեռնությունը կառավարականի հետ: "Ժառանգություն" խորհրդարանական խմբակցության նախագահ Արմեն Մարտիրոսյանը նշեց, որ ՄՀՊ վետերանների սոցիալական ապահովման հարցը շատ կարևոր է, բայց չի կարելի ներկայիս ծանր տնտեսական իրադրության մեջ խլել այդ գումարները մի խոցելի խմբից և տալ այն մեկ ուրիշին: Նրա կարծիքով, կան այդ հարցի լուծման այլ ճանապարհներ. նախ` կառավարությունը պետք է լրացուցիչ գումարներ գտնի վետերանների ավանդների հատուցման համար, երկրորդը` հատուցում պետք է ստանան ոչ միայն կենդանի վետերանները, այլև մահացածների ժառանգները: Ընդ որում, Հայաստանի ֆինանսների նախարար Տիգրան Դավթյանը ՄՀՊ վետերանների քանակի մասին որոշ պատգամավորների կասկածների առնչությամբ նկատեց, որ վետերանների թիվն արդեն հստակ հաշվված է: Բացի դրանից, նրա խոսքով, վետերանների ավանդները կհատուցվեն խիստ ժամանակացույցով, որից հետո կիրականացվի մնացած ավանդների վճարումը: "Հարցը կայանում է ոչ թե նրանում, որ մի խմբից միջոցներ ենք խլելու և տանք մյուսին, այլ վճարումների հերթականության մեջ",- ասաց Դավթյանը: Հայաստանի կառավարությունը Մեծ հայրենական պատերազմի վետերաններին "սառեցված" խորհրդային ներդրումների հատուցման վճարումների մասին որոշում է ընդունել Հաղթանակի 65-ամյակի կապակցությամբ: Առաջնահերթ կարգով հատուցում կստանան 3,7 հազ. վետերաններ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |