Առաջիկա ամսում Հայաստանը կմիանա նորվեգական GSP համակարգին

4 մայիսի 2010 - 15:36 AMT

PanARMENIAN.Net - «Հայաստանը նորվեգական GSP համակարգին միանալու վերջին փուլում է գտնվում, և արդեն մեկ ամիս անց այն հասանելի կլինի մեր ձեռնարկատերերին», - այս մասին մայիսի 4-ին լրագրողներին հայտնել է ՀՀ էկոնոմիկայի նախարարության Եվրամիության և միջազգային տնտեսական համագործակցության վարչության պետ Վարոս Սիմոնյանը: Նրա խոսքերի համաձայն, աշխարհում նմանատիպ 11 սխեմա գոյություն ունի, և այսօր Հայաստանն արդեն միացել է դրանցից 7-ին, որոնց թվում են` ռուսականը, ամերիկյանը, կանադականը, ճապոնականը:

Նորվեգական Արտոնությունների ընդհանրացված համակարգը (GSP) հնարավորություն է տալիս անցումային փուլում գտնվող երկրներին զրո տոկոս կամ ցածր տոկոսադրույքով ապրանքներ ներմուծել Նորվեգիա:

Մայիսի 3-6-ը քառօրյա աշխատանքային այցով Հայաստանում են գտնվելու Նորվեգիայի Մաքսերի և ակցիզների տնօրինության ներկայացուցիչներ Սեսիլիե Ալնեսը և Աննե Մերեթե Մոե Դալենը՝ Հայաստանի շահագրգիռ մարմիններին ծանոթացնելու նորվեգական արտոնությունների ընդհանրացված համակարգին (GSP):

Այցի շրջանակում մայիսի 3-ին հյուրերը այցելել են ՀՀ էկոնոմիկայի նախարարություն`քննարկելու Հայաստանում նորվեգական արտոնությունների ընդհանրացված համակարգի (GSP) կիրառմանն առնչվող հարցեր, ինչպես նաև ներկայացնելու համակարգից օգտվելու մանրամասներ: Հանդիպմանը մասնակցել են նաև Զարգացման հայկական գործակալության, ՀՀ առևտրաարդյունաբերական պալատի, Հայաստանի գործատուների հանրապետական միության և այլ մարմինների ներկայացուցիչներ:

Մայիսի 4-ին նորվեգական պատվիրակության և ՀՀ էկոնոմիկայի նախարարության նախաձեռնությամբ կազմակերպվել էր սեմինար` Հայաստանի գործարար շրջանակների համար, որի ընթացքում նորվեգացի մասնագետները հայ արտահանողներին ներկայացրել են նորվեգական Արտոնությունների ընդհանրացված համակարգը (GSP) և դրանից օգտվելու մեխանիզմները: Քննարկվել են նորվեգական Արտոնությունների ընդհանրացված համակարգի (GSP) շրջանակներում Հայաստանի հետ համագործակցության հնարավորությունները:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով