Գերասիմ Ալավերդյանը մասնակցեց «Բելագրո-2010» ցուցահանդեսին11 հունիսի 2010 - 17:16 AMT PanARMENIAN.Net - Հունիսի 7-9-ը «Բելագրո-2010» 20-րդ միջազգային ցուցահանդեսի աշխատանքներին մասնակցելու նպատակով Բելառուս է այցելել Հայաստանի գյուղատնտեսության նախարար Գերասիմ Ալավերդյանի գլխավորած պատվիրակությունը: Ինչպես հաղորդում է Հայաստանի ԱԳՆ մամլո ծառայությունը, Բելառուսի գյուղատնտեսության և պարենի նախարար Միխաիլ Ռուսիի հետ հունիսի 7-ին կայացած հանդիպման ընթացքում Հայաստանի գյուղնախարարը նշեց հայկական կողմի հետաքրքրվածությունը Մինսկի տրակտորների գործարանի արտադրանքով, Հայաստանում դրա սպասարկման կենտրոնների հիմնմամբ, պահեստամասերի մատակարարմամբ: Բելառուսական կողմը տեղեկացվեց նաև Բելառուսից Հայաստան սերմնացուի ներմուծման ցանկության, ինչպես նաև Հայաստանից Բելառուս բանջարեղեն ու մրգեղեն, չրեր, հանքային ջրեր և ալկոհոլային խմիչքներ մատակարարելու պատրաստակամության մասին: Նախարար Ալավերդյանն առաջարկեց ուսումնասիրել փոխադարձաբար գյուղմթերքի մշտապես գործող ցուցահանդեսներ հաստատելու մասին: Բանակցություններին մասնակցող Բելառուսում Հայաստանի դեսպան Արմեն Խաչատրյանը նշեց Հայաստանից Բելառուս ձկնեղենի արտահանման հնարավորության, հայկական կոնյակի Բելառուս ներմուծման քվոտայի ավելացման ցանկության և առհասարակ, փորձի փոխանակման կարևորության մասին: Միխաիլ Ռուսին հայկական կողմի ուշադրությունը հրավիրեց համատեղ ձեռնարկություններ հիմնելու առավելությունների վրա: Հայաստանի գյուղնախարարության պատվիրակությունն այցելեց Բելառուսի առաջատար տնտեսություններ, ծանոթացավ աշխատանքի կազմակերպման բելառուսական ժամանակակից մեթոդներին, անասնաբուծական, կաթնամթերքի արտադրության նոր տեխնոլոգիաներին:- Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |