ՀԱԵ Կոստանդնուպոլսի պատրիարքի փոխանորդ է դարձել Արամ Հատեշյանը 2 հուլիսի 2010 - 11:21 AMT PanARMENIAN.Net - Հայ Առաքելական եկեղեցու Կոստանդնուպոլսի պատրիարքարանը ընտրել է փոխանորդ պատրիարք: 26 անդամներից բաղկացած խորհուրդը ձայների մեծամասնությամբ հավանություն է տվել արքեպիսկոպոս Արամ Հատեշյանի թեկնածությանը, գրում է թուրքական «Հյուրիեթ» թերթը; Պատրիարքն ընտրվում է ցմահ և ոչ ոք չի կարող փոխարինել նրան: Սակայն, քանի որ Կոստանդնուպոլսի պատրիարք Մեսրոբ Մութաֆյանը ծանր հիվանդ է, որոշվեց ընտրել աթոռակից պատրիարք: Այդ նպատակով գրեթե կես տարի առաջ պատրիարքարանի հոգևոր խորհուրդը դիմել էր Ստամբուլի իշխանություններին աթոռակից պատրիարք ընտրելու թույլտվություն ստանալու համար: Ընտրությունները պետք է տեղի ունենային մայիսի 12-ին, սակայն առաջացած տարաձայնությունների պատճառով ձգձգվեցին: 1998թ. ի վեր Կոստանդնուպոլսի պատրիարքի պաշտոնը զբաղեցնում էր Մեսրոբ Մութաֆյանը: Սակայն տարած վիրահատություններից և մի քանի մահափորձերից հետո 53-ամյա պատրիարքի առողջությունը վատթարացավ, իսկ հետո բժիշկները ախտորոշեցին անբուժելի ամնեզիա: 2004թ. ի վեր Թուրքիայի ղեկավարութւյունը թույլ չի տալիս հայ համայնքին (ազգային համայնքի ղեկավարն ըստ թուրքական օրենքների պետք է միևնույն ժամանակ լինի նաև նրա հոգևոր առաջնորդը) անցկացնել նոր պատրիարքի կամ գոնե աթոռակից պատրիարքի ընտրություններ: Կոստանդնուպոլսի պատրիարքարանը, Երուսաղեմի պատրիարքարանի հետ մեկտեղ Հայ Առաքելական եկեղեցու ինքնավար պատրիարքարաններից մեկն է: Այդ երկու պատրիարքարանները ենթարկվում են Էջմիածնի կաթողիկոսությանը: Երուսաղեմի ու Կոստանդնուպոլսի պատրիարքներն ունեն արքեպիսկոպոսների հոգևոր աստիճան: Երուսաղեմի պատրիարքարանին են ենթարկվում Իսրայելի և Հորդանանի հայկական եկեղեցիները, իսկ Կոստանդնուպոլսի պատրիարքարանին` Թուրքիայի և Կրետե կղզու հայկական եկեղեցիները: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |