«ՊրոԿրեդիտ» Բանկ. Ավանդների երաշխավորման համակարգի ստեղծումն ու հետագա ամրապնդումը բխում է պետության շահերից 7 հուլիսի 2010 - 17:24 AMT PanARMENIAN.Net - Ավանդների երաշխավորման համակարգի ստեղծումն ու հետագա ամրապնդումը բխում է պետության շահերից, գտնում է «ՊրոԿրեդիտ» Բանկի գլխավոր հաշվապահ Լուսինե Ներսիսյանը: Նրա խոսքերի համաձայն, անցած 20 տարիների ընթացքում բանկերին ավանդներ վստահող ներդնողները, մեկ անգամ չէ, որ կորցրել են իրենց միջոցները, օրինակ` ինչպես այդ տեղի ունեցավ 1992-1994 թթ.: «Նախ` ֆիզիկական անձանց ավանդների երաշխավորման համակարգը բանկային համակարգի կայունության տարրերից մեկն է: Երկրորդ` ավանդատուներին տրված երաշխիքները բանկերի հանդեպ վստահության անհրաժեշտ տարրերն են», - նշել է նա: Սակայն մասնագետի կարծիքով, քաղաքացիների որոշումների համար պետությունը չպետք է ամբողջ պատասխանատվությունը կրի: Պետությունը չպետք է բոլոր հնարավոր ռիսկերի երաշխավորը լինի, սակայն պետք է ամրապնդի Հայաստանի բանկային համակարգի հանդեպ վստահությունը: Լուսինե Ներսիսյանը բացատրել է, որ առաջարկված բարձրացումը տեղի է ունենում միջին աշխատավարձի բարձրացման չափով, և բանկերում ներդրումների կառուցվածքային փոփոխությունների չափով ու միանգամայն հիմնավոր: Բանկի ներկայացուցիչը միևնույն ժամանակ ավելացրել է, որ եվրոպական չափանիշների համաձայն, Հայաստանի բանկերում պահվող գումարը քիչ է և ակնհայտորեն բավարար չէ, որպեսզի բոլոր քաղաքացիներն առանց երկյուղի իրենց փողերը բանկ տանեն, սակայն ոչ մի երկրում ներդրումների 100 տոկոսանոց փոխհատուցում գոյություն չունի, ինչը ստիպում է յուրաքանչյուր ներդնողի իր որոշման, այս պարագայում` բանկերում միջոցներ ներդնելու համար պատասխանատվություն կրել: Հայաստանի խորհրդարանը հունիսի 24-ին վերջնական ընթերցմամբ «Ֆիզիկական անձանց բանկային ավանդների երաշխավորման մասին» օրենքում փոփոխություններ մտցրեց: Փոփոխությունների համաձայն, այսուհետև դրամով բանկային ավանդների չափը կազմելու է 4 մլն դրամ (նախկին 2 մլն դրամի փոխարեն), արտասահմանյան տարադրամով այն կազմելու է 2 մլն դրամի չափով (նախկին 1 մլն դրամի փոխարեն): Ավանդների երաշխավորման հիմնադրամի հոգաբարձուների խորհուրդը, որի կազմում են` կառավարության, խորհրդարանի, գերմանական KfW բանկի, Հայաստանի բանկերի ներկայացուցիչները, հինգ տարին մեկ անգամ պետք է վերանայի ավանդների երաշխավորման չափերը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Քաղաքացիները փակել են Երևան-Սևան, Երևան-Արարատ մայրուղիները Մի շարք քաղաքներում ավտոերթեր են, իրազեկման ակցիաներ «ԼՈՖԹ»–ն ու Իջևանի գինու-կոնյակի գործարանը փոխըմբռնման հուշագիր են ստորագրել Գործարանն աջակցելու է Իջևան համայնքի երիտասարդների ակտիվ ներգրավման գործընթացին Աղազարյան. Բացառված է ՔՊ-ից իմփիչմենթին միացողներ լինեն Նա հավելել է, որ խմբակցությունը հիմա ավելի քան կուռ է և կանգնած է վարչապետի կողքին Ռուս սահմանապահները Ներքին Հանդում այլևս չեն հսկում անցուդարձը, հավաքել են մալուխները Անցակետում մի քանի ռուս զինվորականներ կան, որոնք արդեն կից դիտակետից չեն հսկում անցուդարձը |