Կայացել է գերաարագ լայնաշերտ ինտերնետի ազգային ցանցի առաջին քննարկումը14 հուլիսի 2010 - 21:41 AMT PanARMENIAN.Net - Գերաարագ լայնաշերտ ինտերնետի ազգային ցանցի շինարարությունը քննարկվել է ՀԲ-ում «Էլեկտրոնային հասարակությունը և նորարարությունը մրցունակության խթանման համար» ծրագրի բանավեճի շրջանակներում: Քննարկմանը մասնակցում էին Համաշխարհային բանկի, էկոնոմիկայի նախարարության, տրանսպորտի և կապի նախարարության, ՀԾԿՀ ներկայացուցիչներ և այլն: «Անհնար է դիտարկել ինտերնետը միայն որպես միջոց էլեկտրոնային նամակներ փոխանակելու և վեբ-էջեր նայելու համար: Գոյություն ունեն բազնաթիվ ծառայություններ, որոնք պետք է մատչելի լինեն Հայաստանի բնակիչների համար»,- ասել է Ներսես Երիցյանը: Ինչպես հայտնել է Ազգային մրցունակության հիմնադրամի տնօրեն Բեկոր Փափազյանը, ծրագիրը ենթադրում է Հայաստանի բնակիչներին ապահովել գերաարագ ինտերնետ-կապով (100 Մբիթ/վյրկ): Հայաստանի յուրաքանչյուր համայնքում ենթադրվում է ստեղծել գերաարագ ինտերնետի հասանելիության 6 կետ: Ինչպես նշեց Փափազյանը, գերմանական DETECON ընկերության անցկացրած հետազոտությունների արդյունքում պարզվել է, որ այդ նախագիծը խոստանում է շահութաբեր լինել և պետք է հետաքրքրի մասնավոր ներդրողներին: «Արդի է դառնում այն ներդրումների արդյունավետության մասին հարցը, որոնք կատարվել են մասնավոր ներդրողների կողմից վերջին տարիների ընթացքում: Մասնավորապես, մեր ընկերությունը լայնաշերտ ինտերնետի զարգացման համար միայն այս տարի ներդրել է շուրջ 4 մլն դոլար»,- ասել է «ԱրմենՏել» ընկերության գլխավոր տնօրեն Իգոր Կլիմկոն: Ինչպես պարզաբանեց էկոնոմիկայի նախարար Ներսես Երիցյանը, պետությունը ցանցի սեփականատերը չի լինելու, այն կառուցվելու է ներդրումների հաշվին: Հայաստանում գերաարագ լայնաշերտ ինտերնետի ցանցի կառուցումը տւեխնոլոգիաների մրցունակության բարձրացման ծրագրի մի մաս է, որն իրականանում է Համաշխարհային բանկի հետ համատեղ: Նախնական հաշվարկներով, ծրագրի իրականացումը կտևի 3-5 տարի, իսկ նրա իրագործման համար նախատեսվում է հատկացնել 24 մլն դրամ: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |