ԱՄՆ-ն վերանայում է իր հարաբերությունները Թուրքիայի հետ14 օգոստոսի 2010 - 11:56 AMT PanARMENIAN.Net - ԱՄՆ պետքարտուղար Հիլարի Քլինթոնը օգոստոսի 13-ին ուրբաթ երեկոյան հատուկ նիստ է անցկացրել, որին բացի արտաքին գերատեսչության աշխատակիցներից մասնակցում էին Ազգային անվտանգության խորհրդի բարձրաստիճան ներկայացուցիչներ: Խորհրդակցությանը քննարկվել է թուրք-ամերիկյան հարաբերությունների ապագան Անկարայի և Երուսաղեմի հարաբերությունների լույսի ներքո, բայց գլխավորապես ԱԽ կողմից Իրանի նկատմամբ պատժամիջոցները խստացնելու լույսի ներքո, որի դեմ հանդես էր եկել Թուրքիան: Խորհրդակցության նպատակն էր վերանայել ԱՄՆ և Թուրքիայի հարաբերությունները, և, համաձայն կառավարական աղբյուրի, Վաշինգտոնի նոր քաղաքականությունն Անկարայի նկատմամբ առիթ կդառնա նոր նիստերի շարքի համար: Ամերիկյան շատ սենատոր-հանրապետականներ հավանություն չեն տալիս Անկարայի ներկա դիրքորոշմանը, նրանք հրաժարվել են հավանություն տալ Թուրքիայում ԱՄՆ նոր դեսպանի նշանակմանը, որի պաշտոնում առաջարկվել էր Ֆրենք Ռիկարդոյի թեկնածությունը: Սենատորներից մեկը` Սեմ Բրաունբեկը, համապատասխան նամակ է ուղղել` խնդրելով չեղյալ համարել Ռիկարդոյի նշանակությունը: Մոտ ժամանակները նա մտադիր է Հիլարի Քլինթոնին բացատրություն տալ իր արարքի համար: Հայտնի է, որ որոշ սենատորներ պատրաստվում են հետևել նրա օրինակին: Բրաունբեկի հիմնական փաստարկը` Ռիկարդոն հարմար չէ այդ պաշտոնի համար: Նա «չափազանց շատ է կարեկցում» Մերձավոր Արևելքի երկրներին, որոնցում նա աշխատել է, այդպիսին են տպավորությունները նրա ծառայությունից Եգիտպոսում, Աֆղանստանում, Իրաքում և Թուրքիայում: Իսկ ներկա իրավիճակում դա ամենալավ մոտեցումը չէ:
Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |