ՀՀ գյուղնախարարությունը 2010-ին կանխատեսում է աճ նախորդ տարվա մակարդակով

30 օգոստոսի 2010 - 16:10 AMT

PanARMENIAN.Net - Ընթացիկ տարում գյուղատնտեսության ոլորտում կգրանցվի աճ 2009-ի մակարդակով, լրագրողներին է հայտարարել ՀՀ գյուղատնտեսության նախարար Գերասիմ Ալավերդյանը: «Տարվա ավարտին մեզ կհաջողվի դուրս գալ 2009-ի մակարդակին: Անկումը գյուղատնտեսության ոլորտում պայմանավորված է հիմնականում պտուղ-բանջարեղենի բերքի կրճատմամբ և բնակլիմայական պայմաններով»,-ասել է նա:

Ըստ նրա, սեպտեմբեր-հոկտեմբերին իրավիճակը կբարելավվի և կարձանագրվի որոշակի աճ, մասնավորապես, կենդանաբուծության գծով: Այդ առնչությամբ նա նշել է, որ հուլիսին գրանցվել է բուսական արտադրանքի բերքի անկում 60-70 հազար տոննայով 2009 թվականի 161 հազարի դիմաց, ընդ որում աճ է արձանագրվել կենդանաբուծության ոլորտում` հավկիթների արտադրության աճը կազմել է 30 տոկոս:

Ավելի վաղ նախարարը հայտարարել էր, որ աճը Հայաստանի գյուղատնտեսության ոլորտում 2010 ավարտին կկազմի 3-5 տոկոս:

Ըստ օպերատիվ վիճակագրական տվյալների, հունվար-հուլիս ամիսներին երկրի գյուղատնտեսության ոլորտում արձանագրվել է 23 տոկոս անկում: 2009թ. հունվար-դեկտեմբերին Հայաստանի գյուղմթերքի համախառն ծավալը կազմել է 555,7 մլրդ դրամ` կրճատվելով 0,1 տոկոսով 2008-ի նույն ժամանակահատվածի համեմատ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով