  ՀՀ Աժ նախագահ Հովիկ Աբրահամյանն ընդունեց ԱՄՆ պետքարտուղարի եվրոպական և եվրասիական հարցերով տեղակալի օգնականին 12 սեպտեմբերի 2010 - 16:23 AMT PanARMENIAN.Net - Սեպտեմբերի 12-ին ՀՀ Աժ նախագահ Հովիկ Աբրահամյանն ընդունեց ԱՄՆ պետքարտուղարի եվրոպական և եվրասիական հարցերով տեղակալի օգնական Թինա Քայդանաուին: ՀՀ ԱԺ նախագահը բարձր գնահատեց Հայաստանի և ԱՄՆ-ի միջև առկա հարաբերությունների մակարդակը և շնորհակալություն հայտնեց ԱՄՆ-ի կողմից տարբեր ոլորտներում ցուցաբերվող աջակցության համար: Հովիկ Աբրահամյանը պատրաստակամություն հայտնեց որպես խորհրդարանի նախագահ աջակցել հայ-ամերիկյան հարաբերությունների հետագա ամրապնդմանն ու զարգացմանը: ԱՄՆ պետքարտուղարի եվրոպական և եվրասիական հարցերով տեղակալի օգնականը ևս բարձր գնահատեց Հայաստանի և ԱՄՆ-ի միջև հարաբերությունների մակարդակը` ակնկալելով, որ համագործակցությունը կշարունակվի: Այդ գործընթացում նա կարևոր համարեց խորհրդարանի դերը: Թինա Քայդանաուի կարծիքով` հայ-ամերիկյան հարաբերությունները կշարունակեն դրական զարգացումներ ունենալ, և ԱՄՆ պետքարտուղար Հիլարի Քլինթոնի` վերջերս Երևան կատարած այցը ազդանշան էր, որ ԱՄՆ-ը պատրաստակամ է զարգացնել երկկողմ հարաբերությունները Հայաստանի հետ: ԱՄՆ-ը ակնկալում է շարունակել գործակցությունը տարբեր ոլորտներում, տարածաշրջանային խնդիրների, ԼՂ հարցի շուրջ: Զրուցակիցներն անդրադարձան ԼՂ հարցի կարգավորմանը: Հովիկ Աբրահամյանը նշեց, որ Հայաստանը հավատարիմ է հարցի խաղաղ կարգավորմանը բանակցությունների միջոցով, ԵԱՀԿ Մինսկի խմբի շրջանակներում, և ողջունեց ԱՄՆ-ի ջանքերն այդ ուղղությամբ: Թինա Քայդանաուն համամիտ էր, որ բանակցությունները պետք է ընթանան ԵԱՀԿ Մինսկի խմբի շրջանակներում, և հարցն այլ ատյաններում բարձրացնելը չի կարող օգտակար լինել կարգավորման գործընթացի համար: Անդրադարձ կատարվեց նաև օրենսդրական բարեփոխումներին, տարածաշրջանային անվտանգության խնդիրներում խորհրդարանների դերին, հաղորդում է ՀՀ ԱԺ հասարակայնության և տեղեկատվության միջոցների հետ կապերի վարչությունը:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը  Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնումՈւրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ինFastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումներըԲագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |
