Թուրքիայի Արդարությա և զարգացման կուսակցությունը հաղթել է հանրաքվեում13 սեպտեմբերի 2010 - 11:33 AMT PanARMENIAN.Net - Թուրքիայում տեղի ունեցած հանրաքվեի արդյունքները վկայում են այն մասին, որ ընտրողները պաշտպանել են սահմանադրական բարեփոխումը: Հաշվարկների համաձայն, քվեարկել է ընտրողների 77.55 տոկոսը: Ընտրողների 58.2 տոկոսը «կողմ», իսկ 41.98 տոկոսը «դեմ» է քվեարկել վարչապետ Էրդողանի առաջարկած սահմանադրական բարեփոխումներին: «Մենք հաղթահարել ենք պատմական սահմանը զարգացած ժողովրդավարության և օրենքի գերակայության ճանապարհին»,- հայտարարել է Թուրքիայի վարչապետ Ռեջեփ Թայիփ Էրդողանը: Աշխարհիկ ընդդիմությունը մտավախություն ունի, որ շտկումները թույլ կտան իշխող կուսակցությանը ավելի շատ վերահսկել գերագույն ատյանների դատավորների նշանակման գործընթացը: Իր հերթին, կառավարությունը պնդում է, որ ցանկանում է սահմանադրությունը համապատասխանեցնել Եվրամիության չափորոշիչների հետ: Հանրաքվեի արդյունքները կամրապնդեն Էրդողանի դիրքերը: Իշխող Արդարության և զարգացման կուսակցությունը մտադիր է երրորդ անգամ ընտրվել 2011-ի հուլիսյան ընտրություններից հետո: Թուրքիայի գործող սահմանադրությունն ընդունվել է 1982-ին երկրի ռազմական կառավարության կողմից: Վերջին 30 տարում նրանում լուրջ փոփոխություններ են կատարվել, սակայն այդ հարցն առաջին անգամ է ընդգրկվել համազգային հանրաքվե: Ընդհանուր առմամբ կառավարությունն առաջարկել է մտցնել 26 շտկում, որոնցից շատերն արժանացել են ԵՄ հավանության: Սակայն ընդդմիությունը պնդել է, որ դրանցից երկուսը թույլ կտան կառավարությանը վերահսկել վերին ատյանների դատավորներ նշանակելու գործընթացը և այդպիսով ազդել նրանց որոշումների վրա: ԱԶԿ հասցեին հնչել են գաղտնի իսլամիստական հեղաշրջում անցկացնելու մեղադրանքներ: Նախկինում այս կուսակցությունը բազմիցս խնդիրներ է ունեցել երկրի գերագույն դատավորների հետ, որոնք իրենց անվանում են Թուրքիայի աշխարհիկ արժեքների պաշտպան: 2008-ին կուսակցությունը մի կերպ խուսափել է իր քաղաքական գործունեության վրա Սահմանադրական դատարանի կողմից արգելք դնելուց` ազատվելով միայն տուգանքով: Կոշտ միջոցը ձեռնարկվել էր հենց դատավորների կողմից, որոնք համարել էին, որ ԱԶԿ-ն Թուրքիան տանում է իսլամիստական պետության վերածելու ճանապարհով, հաղորդում է BBC Russian-ը:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |