Տանգոյի առաջին երևանյան միջազգային փառատոնը մեկնարկում է հոկտեմբերի 30-ին18 հոկտեմբերի 2010 - 15:25 AMT PanARMENIAN.Net - Հոկտեմբերի 30-ին Երևանում տեղի կունենա ակորդիոնահար Ռիչարդ Գալլիանոյի և «Կադանսե համույթի համերգը: Ինչպես PanARMENIAN.Net ին է հաղորդել «Կադանսե կենտրոնի գլխավոր մենեջեր Նիկա Բաբայանը, համերգը կբացի Տանգոյի միջազգային երևանյան փառատոնը, որը կսկսվի 2010թ. հոկտեմբերի 30-ին և կավարտվի 2011թ. հունիսի 30-ին: Առաջին փառատոնի շրջանակներում 5 համերգ տեղի կունենա արտերկրից ժամանած երաժիշտների մասնակցությամբ: «Կադանսե անսամբլը ձևավորվել է 2004թ. փետրվար ամսին հինգ հայ հանրաճանաչ երաժիշտների կողմից դաշնակահար Արմեն Բաբախանյանի ղեկավարությամբ` նպատակ ուենենալով կատարել արգենտինացի կոմպոզիտոր Աստոր Պիացոլլայի (1921-1992) ստեղծագործությունները: Անսամբլի առաջին համերգը տեղի է ունեցել 2004թ. ապրիլ ամսին, որին հաջորդել են մի շարք այլ համերգներ` գրավելով մասնագետների և երաժշտասերների ուշադրությունը: «Կադանսե անսամբլը շատ շուտով դարձավ Հայաստանի առաջատար և հայտնի երաժշտական խմբերից մեկը: Շուտով այն ընդլայնեց իր ռեպերտուարը` ներառելով եվրոպական, ամերիկյան, ռուս և հայ դասական և ժամանակակից կոմպոզիտորների գլուխգործոցները` միաժամանակ հարազատ մնալով Պիացոլլայի երաժշտական արվեստին: Բազմաթիվ ստեղծագործություններ, այդ թվում դասական, համաշխարհային և պոպ-երաժշտություն, այժմ ներառված են անսամբլի կատարումների ցանկում` նոր գործիքավորմամբ: Երաժշտական կատարումների ցանկում կան նաև անսամբլին և նրա անդամներին նվիրված ստեղծագործություններ: Կոմպոզիտոր, վիրտուոզ ակորդիոնահար, Աստոր Պիացոլայի ընկեր և աշակերտ, «Նյու մյուզետե երաժշտական ուղղության հիմնադիր՝ Ռիչարդ Գալլիանոն ծնվել է 1950 թվականի դեկտեմբերի 12-ին, Կաննում: Ծագումով իտալացի, ակորդինահար և ուսուցիչ՝ Լյուսիեն Գալլիանոյի որդի՝ Ռիչարդը սկսում է նվագել, երբ դեռ 4 տարեկան էր: Ուսումը շարունակում է Նիցցայի կոնսերվատորիայում: Այստեղ, հայտնի ջազ շեփորահար՝ Քլիֆորդ Բրաունի ստեղծագործություններով, իր համար բացահայտում է ջազը: Հենց այստեղ փոխվում է երաժշտի ստեղծագործական մտածելակերպը: Ջազում ակորդիոնը գրեթէ չբացահայտված գործիք էր, բայց իր ապագան Ռիչարդ Գալլիանոն տեսնում էր միայն ջազային ժանրում: Ռ. Գալլիանոն նվագակցում է ճանաչված ֆրանսիացի երաժիշտների (Բարբարա, Սերժ Ռեջջիանի, Շարլ Աձնավուր, Ջուլիետտա Գրեկո) անթիվ ձայնագրություններում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |