Կրթական Microsoft learning gateway պլատֆորմը կգործարկվի Հայաստանում 2011թ.20 հոկտեմբերի 2010 - 16:56 AMT PanARMENIAN.Net - Հայաստանում Microsoft learning gateway պլատֆորմի ստեղծման ակտիվ փուլը կսկսվի 2011թ. հունվարին: Ինչպես PanARMENIAN.Net ի թղթակցի հետ զրույցում հայտարարել է Microsoft հայաստանյան ներկայացուցչության տնօրեն Գրիգոր Բարսեղյանը, պիլոտային ծրագրին արդեն մասնակցում է 10 դպրոց: «Դա կլինի խոշոր կենտրոնացված պորտալ ՀՀ կրթության ողջ համակարգի համար, որտեղ յուրաքանչյուր դպրոց հնարավորություն կունենա ստեղծել իր ռեսուրսները՝ ինչպես բաց, այնպես էլ փակ: Իսկ ծրագրի գլխավոր նպատակն է աջակցել Հայաստանի մարզերի դպրոցներին»,-ասել է Բարսեղյանը: Նա նշել է նաև, որ նախագծի շրջանակներում, ծնողները հնարավորություն կունենան հետևել երեխաների առաջադիմությանը, աշակերտները կկարողանան մասնակցել տեսադասերի, իսկ տեսախորհրդակցությունների համակարգի միջոցով ուսուցիչները կկարողանան իրենց փորձը փոխանակել: Պլատֆորմի տեղադրումը ներքին հոսթինգի վրա թույլ կտա առավել անվտանգ ու մատչելի դարձնել պլատֆորմի աշխատանքը: Նախագիծն իրականացվում է ՀՀ կրթության ու գիտության նախարարության հետ համատեղ: Ռեսուրսի հայալեզու կրթական կոնտենտը կկազմվի Հայաստանի լավագույն ուսուցիչների մասնակցությամբ: Microsoft-ը կրթական ծրագրեր է իրականացնում ողջ աշխարհում և արդեն 1 մլրդ դոլար է ներդրել այդ ոլորտում: Այդ նախագծից բացի, ՀՀ կրթության նախարարությունը աշխատանքներ է տանում պետական կրթական ինտերնետ-պլատֆորմի ստեղծման ուղղությամբ ՀԲ շրջանակներում: «Մենք արդեն բանակցում ենք արտերկրի առաջատար ծրագրավորողներից մեկի հետ այդ ռեսուրսի ստեղծման համար»,-լրագրողների հետ զրույցում հայտարարել է ՀՀ կրթության ու գիտության նախարար Արմեն Աշոտյանը: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |