  Թեհրանում մամուլի ցուցահանդեսի կազմակերպիչները փորձում են հայկական պատվիրակությանը զերծ պահել ադրբեջանցիների հարձակումներից 26 հոկտեմբերի 2010 - 18:19 AMTPanARMENIAN.Net - Այսօր առավոտյան հայկական պատվիրակությունը, ժամանելով Իրանում տեղի ունեցող մամուլի և տեղեկատվական գործակալությունների 17-րդ միջազգային ցուցահանդես-փառատոնի վայր, որտեղ Հայաստանը ներկայացնում են PanARMENIAN.Net գործակալությունն ու «Ազգ» օրաթերթը, պարզել է, որ ցուցահանդեսի կազմակերպիչները, հնարավոր է հայ լրագրողների անվտանգության ապահովման նպատակով, փոխել են հայկական տաղավարի տեղը: Բացի դրանից, վահանակից հեռացվել է Արցախի «Մենք ենք, մեր սարերը» խորհրդանիշ-հուշարձանի լուսանկարը, սակայն տաղավարի ներկայացուցիչներն այն ցուցադրում են այցելուներին: PanARMENIAN.Net ի թղթակցի խոսքով, ցուցահանդես-փառատոնի կազմակերպիչները խոստացել են մինչ երեկո վահանակին փակցնել լուսանկար, որը որևէ առնչություն չունի «հակամարտության տարածքների» հետ: Հայկական կողմը սպասում է կազմակերպիչների որոշմանը: Հիշեցնենք, որ հոկտեմբերի 25-ին այն բանից հետո, երբ հայկական տաղավարի վահանակին ամրացվել է Հայաստանի և ԼՂՀ-ի պետական քարտեզը, ադրբեջանցիները գազազել են: Սկզբից նրանք իրանական կողմից պահանջել են հանել քարտեզը և հայկական հուշարձանի լուսանկարը, բայց, չսպասելով կազմակերպիչների կողմից ինչ-որ որոշում ընդունելուն, ադրբեջանական պատվիրակության ներկայացուցիչը ներխուժել է հայկական տաղավար, պոկել Հայաստանի քարտեզը և փորձել պատռել այն: Պետք է նշել, որ իրենց շահերը պաշտպանելու համար ադրբեջանական պատվիրակության ներկայացուցիչները օգնության են կանչել թուրքական պատվիրակությանը: Մեր թղթակցի խոսքով, կատարվածի համար ադրբեջանական կողմի համար պատիժ նախատեսված չէ: Սակայն հայկական տաղավարի ներկայացուցիչները մտադիր են հանդիպել Իրանում Հայաստանի դեսպանի հետ և նրա միջոցով Ադրբեջանի կողմից պաշտոնական ներողության հայցման հասնել: Ինչպես նշել է մեր գործակալության թղթակիցը, ադրբեջանցիներն իրենց «լրտեսներին» են ուղարկում հայկական տաղավար, որպեսզի համոզվեն, որ «Մենք ենք, մեր սարերը» հուշարձանի լուսանկարը չի փակցվել վահանակին:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
