Մինասի երեք որմնանկարներ, հնարավոր է, վերականգնվեն 2011 թվականին 9 նոյեմբերի 2010 - 18:38 AMT PanARMENIAN.Net - Իտալացի վարպետների ջանքերով արդեն վերականգնվել են հայ նկարիչ Մինաս Ավետիսյանի երեք որմնանկարներ: Իտալացի ռեստավրատոր Ֆաբրիցիո Յակոբինիի խոսքով, մեծ վարպետի մնացած աշխատանքների վերականգնմանը հարկավոր է ձեռնամուխ լինել անհապաղ, քանի որ էլեկտրատեխնիկական գործարանում` այն շենքում, որտեղ գտնվում են որմնանկարները, դրանք շուտ են փչանում ցրտի և խոնավության պայմաններում: «Ամեն անգամ, երբ ժամանում եմ Հայաստան, նկատում եմ, որ կորուստները գնալով շատանում են»,- նշել է նա: Հայտնի նկարչի որդին` Ջաջուռում Մինասի թանգարանի տնօրեն, «Մինաս Ավետիսյան» հիմնադրամի նախագահ Արման Ավետիսյանը նշել է, որ «Ջրաղացքարեր» և «Գորգ են գործում» որմնանկարները շատ վատ վիճակում են: Այդ առիթով Հայաստանի Մշակույթի նախարարության ժամանակակից արվեստի վարչության պետ Սոնա Հարությունյանն ավելացրել է, որ հայ նշանավոր նկարչի ևս երեք որմնանկարներ, հնարավոր է, վերականգնվեն 2011 թվականին: «Եթե առաջին երեք որմնանկարների վերականգնման համար միջոցները հատկացվել էին պետբյուջեից, ապա 2011 թվականի բյուջեով Մինասի որմնանկարների վերականգնման համար ֆինանսներ նախատեսված չեն, և ստիպված ենք լինում հույսը դնել մասնավոր սեկտորի օգնության վրա»,- ասել է նա: Բացի դրանից, «Խաչքարի մոտ» և «Հանդիպում» որմնանկարների վերականգնումն իրականացրել է իտալացի վարպետ Ֆաբրիցիո Յակոբինին` չորս հայ մասնագետների հետ համատեղ, սակայն միայն հայ վարպետների ուժերով առայժմ շատ դժվար է իրականացնել մնացած ստեղծագործությունների վերականգնումը: «Չնայած, որ աշխատելով իտալացի մասնագետի հետ, մեր վարպետները շատ բան են սովորել, հետագայում, այնուամենայնիվ, անհրաժեշտ կլինի հրավիրել իտալացի մասնագետներին` հատկապես հաշվի առնելով մնացած որմնանկարների բավական մեծ չափսերը»,- ասել է նա: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Միրզոյանը՝ Ալմաթիում․ Կարող ենք ավելի հեռուն գնալ՝ ապաշրջափակելով տարածաշրջանի բոլոր կոմունիկացիաները Նա նշել է, որ սահմանազատման գործընթացը պետք է անցնի Ալմաթիի հռչակագրի հիման վրա Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա «ՍոֆթԿոնստրակտ»-ը մասնակցել է Career City Fest 2K24 լավագույն գործատուների փառատոնին Ձեռք են բերվել և՛ աշխատանքային, և՛ կորպորատիվ փոխգործակցության պայմանավորվածություններ Անհնազանդության ակցիաների 12 մասնակից է բերման ենթարկվել 8 մարդ ձերբակալվել է Երևանում, 4–ը՝ Վայոց ձորում |