«Կոկա-Կոլա Հելլենիկ Բոթլինգ Քամփնի Արմենիա» ՓԲԸ-ն մտադիր է 15 մլն դոլարի ներդրումներ կատարել 2011-2013 թթ. ընթացքում

18 հունվարի 2011 - 14:36 AMT

PanARMENIAN.Net - «Կոկա-Կոլա Հելլենիկ Բոթլինգ Քամփնի Արմենիա» ընկերությունը 2011-ին նշելու է 15-ամյակը, ինչպես նաև Կոկա-Կոլա ըմպելիքի ստեղծման 125-ամյակը ողջ աշխարհում: Այդ մասին Երևանում հունվարի 18-ին հայտնել է ընկերության գլխավոր տնօրեն Գագիկ Դանիելյանը:

Նրա խոսքերով, 15 տարվա ընթացքում ընկերությունը վաճառել է ավելի քան 300 մլն լիտր ընպելիք, և միայն վերջին 5 տարիների ընթացքում իրականացրել 7 մլրդ դրամ (ավելի քան 20 մլն դոլար) արժողությամբ կապիտալ ներդրումների ծրագիր:

Մասնավորապես, 2010-ին ընկերությունն արտադրել է 32 մլն լիտր արտադրանք, ընդ որում իրացրել է 36 մլն լիտր, տարբերությունը` ներկրման հաշվին: Ընկերությունը սպասարկում է 12 հազար հաճախորդի, որոնց մեծ մասը բաժին է ընկնում մայրաքաղաքին, իսկ մնացածը` մարզերին: Ինչպես նշել է Դանիելյանը, 2010-ին ընկերության մաքուր շահույթը կազմել է շուրջ 10 մլրդ դրամ: Նա նաև հայտնել է, որ 2010-ին ընկերությանը հաջողվել է արտադրության ծավալով հասնել նախաճգնաժամյան մակարդակին, իսկ 2011-ին ակնկալվում է 10 տոկոս աճ:

Դրա հետ կապված` գլխավոր տնօրենը հավելել է, որ միջնաժամկետ հեռանկարում 2011-2013թթ. ընթացքում «Կոկա-Կոլա Հելլենիկ Բոթլինգ Քամփնի Արմենիա»-ն մտադիր է 15 մլն դոլարի ներդրումներ կատարել, որոնցից 6 մլն դոլարը` 2011-ին:

Այսօր ընկերությունն ունի 68 տեսակի արտադրանք, որոնցից շուրջ 90 տոկոսն արտադրվում է Հայաստանում, իսկ մնացած մասը ներկրվում է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով