  «Մանկական Եվրատեսիլ 2011»-ը կկայանա Հայաստանում 18 հունվարի 2011 - 17:48 AMT PanARMENIAN.Net - Դեկտեմբերի 3-ին Երևանում տեղի կունենա «Մանկական Եվրատեսիլ 2011»-ը: Այդ մասին Երևանում կայացած մամլո ասուլիսում հայտարարել է «Եվրատեսիլ 2011»-ի հայկական պատվիրակության ղեկավար Գոհար Գասպարյանը: «Ես գտնում եմ, որ նման միջոցառման շնորհիվ Հայաստանն ավելի ճանաչված կդառնա աշխարհում»,-ասել է Գասպարյանը: Ըստ նրա, մրցույթը տեղի կունենա Կ. Դեմիրճյանի անվան մարզահամերգային համալիրի սպորտային դահլիճում: «Շվեդիայից ժամանած փորձագետը հիացած էր մեր առաջարկած պայմաններով»,-ասել է Գ.Գասպարյանը: Նա նշել է, որ Մանկական Եվրատեսիլում չի գործում այն սկզբունքը, երբ միջոցառումն անց է կացվում այն երկրում, որի ներկայացուցիչը հաղթել է մրցույթում: Իր հերթին Հանրային հեռուստառադիոընկերության խորհրդի նախագահ Ալեքսան Հարությունյանը հավելել է, որ Հայաստանը հոյակապ շոու կներկայացնի, որը չի զիջի մակարդակով մեկ այլ երկրի շոուին: «Միջոցները կբավականացնեն ամեն ինչ ինչպես հարկն է կազմակերպելու համար: Ֆինանսավորման մի մասն իր վրա կվերցնի Եվրոպական հեռարձակողների միությունը»,-ասել է նա՝ հավելելով, որ նախատեսվում է հրավիրել համաշխարհային մեծության աստղերի: Սովորաբար «Մանկական Եվրատեսիլին» մասնակցում է 18-20 երկիր:
  Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
