  ՀՅԴ. Չճանաչելով Հայոց ցեղասպանությունը՝ Իսպանիան, այդպիսով, մերժում է Եվրախորհրդարանի դիրքորոշումը  26 մարտի 2011 - 13:15 AMTPanARMENIAN.Net - Մարտի 9-ին Իսպանիայի խորհրդարանը մերժել էր ընդունել Հայոց ցեղասպանության ճանաչման վերաբերյալ խնդրագիրը, որը ներկայացրել էին Կատալոնիայի անկախական եւ Բասկերի ազգայնական կուսակցությունները: Իսպանիայի Հայ Դատի հանձնախումբն այդ կապակցությամբ ներկայացրել է հետեւյալ նկատառումները. «երկրի նախագահ Ռոդրիգես Զապատերոն 2004 թ.-ին ՄԱԿ-ին ներկայացրեց Քաղաքակրթությունների դաշինքը: Թուրքիան, որը միացել է այդ դաշինքին, ժխտելով Հայոց ցեղասպանության փաստը, իր գործողություններով հակասում է դաշինքի ոգուն, նույնը` Իսպանիայի խորհրդարանը, մերժելով ընդունել վերոհիշյալ խնդրագիրը, փաստորեն, անվավեր է ճանաչում Քաղաքակրթությունների դաշինքը»: «Ինչ վերաբերում է այն հայտարարությանը, որ կան այլ առաջնահերթություններ Հայաստանի հետ քաղաքական օրակարգում, Հայ Դատի հանձնախումբը մատնանշում է, որ խնդիրների մեծ մասը, որոնց բախվում է Հայաստանը, ուղղակիորեն կապված են Թուրքիայի՝ հայ ժողովրդի նկատմամբ իրագործված ոճրի պատասխանատվությունից հրաժարվելու հետ: Լեռնային Ղարաբաղի հակամարտության կարգավորումը նույնպես կապված է այս հարցի հետ: Թուրքիան եւ Ադրբեջանը շարունակում են իրենց հակահայ քաղաքականությունը: Թուրքիան փակ է պահում Հայաստանի հետ սահմանը, ինչը խոչընդոտում է Հայաստանի զարգացմանը, չի համաձայնում վավերացնել 2009-ին ստորագրված հայ-թուրքական արձանագրությունները, իսկ Ադրբեջանը, բացի այն, որ չի շտապում կարգավորել Ղարաբաղյան հակամարտությունը, շարունակ ոչնչացնում է Նախիջեւանի հայկական պատմամշակութային հուշարձանները»,-ասվում է հայտարարության մեջ: «Չճանաչելով Հայոց ցեղասպանությունը` Իսպանիան, այդպիսով, չի ընդունում Եվրախորհրդարանի դիրքորոշումը, որը 1987թ.-ին Հայոց ցեղասպանությունը ճանաչելու վերաբերյալ բանաձեւ էր ընդունել: Դատապարտելով մարդկության դեմ հանցագործությունները, ռասիզմի եւ այլատյացության ցանկացած դրսեւորում` Եվրամիությունը հայտարարում է, որ դա ցանկացած երկրի ու կազմակերպության գերակայությունը պետք է լինի` անկախ գաղափարական եւ քաղաքական հայացքներից: «Ժամանակը չի մեղմում հանցագործությունների լրջությունը, եւ յուրաքանչյուրի պարտականությունն է կանխել այն հայտարարությունները, որոնք արդարացնում են անպատժելիությունը: Մենք պատասխան չենք ուզում: Մենք պահանջում ենք պատմական արդարություն»,- ասվում է Իսպանիայի Հայ Դատի հանձնախմբի հայտարարության մեջ:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Սյուժե Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
