Հրազդանի ջերմաէլեկտրակայանի 480 ՄՎտ հզորությամբ 5-րդ էներգաբլոկը շահագործման կհանձնվի այս տարվա ամռանը

31 մարտի 2011 - 10:20 AMT

PanARMENIAN.Net - Մարտի 30-ին «ՀայՌուսգազարդ» ՓԲԸ Վարչության նախագահ-Գլխավոր տնօրեն Վարդան Հարությունյանն աշխատանքային այց է կատարել Հրազդանի ՋԷԿ-ի 5-րդ էներգաբլոկ: Նա շրջել է «Հրազդան-5»-ի շինհրապարակում, այցելել է կաթսատուրբինային ու քիմիական արտադրամասեր և էներգաբլոկի կառավարման ավտոմատացված կենտրոն, ծանոթացել աշխատանքների ընթացքին:

Ըստ Վարդան Հարությունյանի, «Հրազդան-5»-ի աշխատանքները գրեթե ավարտված են: «Միակ խնդիրը կապված է 1991թ. արտադրված շոգետուրբինի հետ: Մեր մասնագետների պրոֆեսիոնալիզմի շնորհիվ թերություններ են հայտնաբերվել շոգետուրբինի վրա, սարքավորումը ետ է ուղարկվել «Սիլովիե մաշինի» ԲԲԸ ` գործարանային պայմաններում թերությունները վերացնելու համար: Հուսով եմ, որ մինչև ապրիլի վերջ տուրբինը կլինի Հայաստանում, այնուհետև կսկվեն թողարկման-կարգաբերման աշխատանքները, որոնք կավարտվեն 1 ամսվա ընթացքում», - ասաց Վարդան Հարությունյանը:

«Հրազդան-5»-ի վերակառուցման համար օգտագործվում են տեխնոլոգիապես բարդ սարքավորումներ, ներդրվել են ժամանակակից տեխնոլոգիաներ, ինչը կառույցը դարձնում է յուրահատուկ: Ընդ որում, այդ աննախադեպ տեխնիկական լուծումները կիրառվել են հնացած էներգաբլոկն արդիականացնելու համար: Քանի որ «ՀայՌուսգազարդ»-ն առաջինն է, որ ներդրել է նման ժամանակակից տեխլոլոգիաներ, ապա Ընկերությունը պատրաստվում է դիմել համապատասխան մարմնին` տեխնոլոգիական լուծումները պատենտավորելու համար:

Էներգաբլոկի հզորությունը հասցնելով 480 ՄՎտ-ի և շահագործելով այն` «ՀայՌուսգազարդ» ՓԲԸ-ն ծրագրում է մասնաբաժին ապահովել էլեկտրաէներգիայի արտադրության շուկայում և ավելացնել էլեկտրաէներգիայի արտահանման ծավալները հարևան երկրներ:

2008-2010թթ. ընթացքում Հրազդանի ՋԷԿ-ի 5-րդ էներգաբլոկի շինարարության ավարտի և արդիականացման նպատակով ներդրվել է շուրջ 443 մլն ԱՄՆ դոլար, որից 248,8 մլն ԱՄՆ դոլարը` գույքային համալիրի ձեռքբերման նպատակով: Մասնագետների և գործընկերների գնահատմամբ, «Հրազդան-5»-ի վերակառուցման համար օգտագործվող նորագույն, տեխնոլոգիապես բարդ սարքավորումները, ներդրվող ժամանակակից տեխնոլոգիաները, աննախադեպ տեխնիկական լուծումները կառույցը դարձնում են եզակի ոչ միայն մեր տարածաշրջանում, այլ նաև աշխարհում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով