Հայ երիտասարդներին Հաքաթոնի միջոցով կսովորեցնեն օգտվել Վիքիփեդիայից31 մարտի 2011 - 15:12 AMT PanARMENIAN.Net - Ապրիլի 3-ին ESPACES կենտրոնում «Վիքիփեդիա դպրոցներ և համալսարաններ» նախագծի շրջանակներում կանցկացվի Հաքաթոն միջոցառումը, որի ընթացքում նախատեսվում է անգլերենից հայերեն թարգմանել «Վիքիփեդիա» առցանց հանրագիտարանի մի քանի կարևոր հոդվածներ, որոնք վերաբերվում են «Վիքիփեդիայից» օգտվելու կանոններին, ոճին և սկզբունքներին։ Ինչպես տեղեկացրեց PanARMENIAN.Net ի թղթակցին միջոցառման նախաձեռնող, հայերեն Վիքիպեդիայի ադմինիստրատոր և մասնակից Ալեքսեյ Չալաբյանը, Հաքաթոնի հիմնական նպատակն է «Վիքիփեդիա»-ում նոր գրանցվող մարդկանց համար հասանելի և պարզ դարձնել «Վիքիփեդիայից» օգտվելու կանոնները: «Երբ մարդիկ գրանցվում են, բավականին ժամանակ են ծախսում հոդված ավելացնելու վրա, սխալ անելու դեպքում ջնջվում է և այլն։ Ահա թե ինչու Հաքաթոնին մենք կթարգմանենք հենց «Վիքիփեդիայից» օգտվելու կանոնները։ Կանոնների մի մասը կա հայերեն լեզվով, բայց դրանք պարբերաբար թարմացման կարիք ունեն և ամբողջական չեն»,-ասել է նա։ Ալեքսեյ Չալաբյանը նշեց, որ միջոցառումը լինելու է ոչ ֆորմալ և ազատ մթնոլորտում. «Թարգմանությունը նախատեսվում է իրականացնել զույգերով, որպեսզի գործընթացն ավելի արդյունավետ լինի։ Եթե մենք կարողնանաք մեկ օրվա ընթացքում թարգմանել «Վիքիփեդիայից» օգտվելու կանոններին վերաբերող 50 հոդվածից գոնե 20-ը, սա կլինի հիանալի արդյունք։ Ակնկալում ենք մոտ 40 հոգու մասնակցություն»։ Միջոցառման անվանումը՝ հաքաթոնը տեխնիկական տերմին է, գալիս է մարաթոն և անգլերեն hacking բառերից։ Ինչպես նշեց Ալեքսեյ Չալաբյանը hacking տեխնիկական իմաստով՝լավ տիրապետել և բարելավել։ Հաքաթոնի սկզբում մասնակիցներին կներկայացվի կարճ ներածություն Վիքիմեդիա հիմնադրամի նախագծերի, նպատակների, և հատկապես Հայաստանում առկա խնդիրների ու նախագծերի վերաբերյալ։ Հաքաթոնին մասնակցելու համար անհրաժեշտ է ուղարկել նամակ info@improve.am հասցեին՝ նշելով անունը, ազգանունը, բջջային հեռախոսահամարը։ «Վիքիփեդիա դպրոցներ և համալսարաններ» նախագիծը պաշտոնապես իրականացվում է 2010 թվականից աշխարհի հեղինակավոր բուհերում և դպրոցներում։ Նպատակն է հայկական ուսումնական հաստատությունների ներկայացուցիչների ակտիվ ներգրավումը համացանցում Հայաստանի իմիջի և հեղինակության ձևավորման հարցում և պայքար ապատեղեկատվության դեմ` Հայաստանի պատմության, մշակույթի, իրավունքների ճիշտ և պատշաճ ներկայացման միջոցով։ Նախագծի նախաձեռնողներն են «ԿԱԶԱ» մարդասիրական հիմնադրամը, «ԱՆԱՀԻՏ» նախաձեռնությունը, Հայերեն Վիքիփեդիայի համայնքի ադմինիստրատորները և անդամները, ԻՏՁՄ-ն, ARAX օպերացիոն համակարգի աշխատանքային թիմը և «Ինստիգեյթ» ուսումնական կենտրոնը։ Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |