ՄԱԿ-ի Գլխավոր քարտուղար Պան Գի Մունը շնորհավորել է ԶԼՄ-ներին Մամուլի ազատության համաշխարհային օրվա առթիվ 2 մայիսի 2011 - 19:18 AMT PanARMENIAN.Net - ՄԱԿ-ի Գլխավոր քարտուղար Պան Գի Մունը շնորհավորել է բոլոր ԶԼՄ-ներին և ուղերձ հղել Մամուլի ազատության համաշխարհային օրվա առթիվ: Ուղերձում մասնավորապես ասվում է.«Երբ կառավորությունը ճնշում է իր ժողովրդին և թաքնվում հետաքննությունից, անկախ մամուլը հզորագույն արտահայտման միջոցներից է չարագործությունը բացահայտելու և հասարակության վստահությունը պաշտպանելու համար: Երբ մարդիկ դեմ են առնում խտրականության և մեկուսացման, մամուլի հասանելիությունը կարող է նրանց ձայն տալ և ստեղծել պայմաններ իրենց խնդիրների մասին իրազեկելու: Իսկ գլոբալ ճնշող մարտահրավերների դարաշրջանում մամուլի միջոցով տեղեկատվության և մտքերի ազատ փոխանակությունը` ընդհանուր «խնդիրների» շրջանակում, կարող է միացնել մարդկանց և երկրների: Այս տարվա հիշարժան օրվա թեման է «Նոր սահմանագծեր, նոր արգելքներ», ինչը ընդգծում է այս շեշտակիորեն փոխված համաշխարհային մամուլի բնապատկերը: ԶԼՄ-ների նոր տեսակները և գործիքները, որոնցից մեկը բջջային հեռախոսն է, շարունակում է լիազորել անհատներին հարստացնել լուրերի հավաքը և լուսաբանել կառավարության, բիզնեսի և արդյունաբերության ինչ-որ ժամանակ գաղտնի պահվող աշխատանքները: Այնուամենայիվ, այս առավելությունների հետ մեկտեղ կան նաև հին մարտահրավերները, ինչպիսիք են մամուլի միջոցով ատելություն տարածելը և բռնություն հրահրելը: Գոյություն ունեն նաև անդամ պետությունների կողմից հարկադրված նոր, անհերքելի արգելքներ` ներառյալ վիրտուալ տեղեկատվական տարածքի հսկողությունը, թվային ագրեսիան և գրաքննությունը համացանցում: Համաձայն Լրագրողների պաշտպանության կոմիտեի, հիմնականում առցանց աշխատող լրագրողներից առնվազն վեցը սպանվել են 2010 թ.: Իսկ 2008 թ. առաջին անգամ ավելի շատ առցանց աշխատող լրագրող էր բանտարկված, քան ավանդական մամուլում: Մամուլի ազատության համաշխարհային օրը եկե'ք հիշենք այն լրագրողներին, խմբագիրներին և մամուլում աշխատող այլ մասնագետներին, ովքեր սպանվել են իրենց թղթակցությունների պատճառով: Ձգտելով արդարության` եկե’ք պատվենք իրենց հիշատակը: Անպատժելիությունը, որ հաճախ հետևում է այդպիսի սպանություններին, ցույց է տալիս լրագրողների պաշտպանության համար պաշտոնական մտահոգության պակաս և ակնհայտ արհամարհանք իրենց կարևորագույն աշխատանքի հանդեպ: Բազմաթիվ այլ լրագրողներ հյուծվում են բանտախցերում, ընդամենը իրենց աշխատանքն անելու համար: Մարդու իրավունքների համընդհանուր հռչակագիրը հավաստում է, որ բոլոր մարդիկ իրավունք ունեն «անկախ սահմաններից ցանկացած լրատվամիջոցի միջոցով տեղեկատվություն ու գաղափարներ փնտրելու, ստանալու և հաղորդելու»: Եկե'ք վերահաստատենք ժողովրդավարության, զարգացման և խաղաղության սկզբունքների, մեր կարևորագույն խոստումը»: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |