ՀԲ-ն 39 մլն դոլար վարկ կհատկացնի Հայաստանին27 մայիսի 2011 - 12:24 AMT PanARMENIAN.Net - Համաշխարհային բանկի գործադիր տնօրենների խորհուրդն այսօր հաստատել է 39 միլիոն ԱՄՆ դոլար գումարով վարկ` Հայաստանի «Էլեկտրամատակարարման հուսալիության» ծրագրի համար: Ծրագիրը նախատեսված է երկրում էներգամատակարարման հուսալիությունը բարձրացնելու համար` էլեկտրահաղորդման գծի շուրջ 230 կմ հատվածի փոխարինման միջոցով բարելավելով էլեկտրահաղորդման ցանցի հիմնական ենթակառուցվածքի հզորությունները: Հայաստանում էլեկտրահաղորդման ենթակառուցվածքը հին է և վատ է պահպանվում: Էլեկտրահաղորդման ակտիվների միջին տարիքը գրեթե 45 տարի է: Վերջին տասնամյակներում հաղորդման գծերի վերականգնման ուղղությամբ որևէ լուրջ ներդրում չի կատարվել: Ըստ «Բարձրավոլտ էլեկտրական ցանցեր» ՓԲԸ գնահատականի` երկրում էլեկտրամատակարարման հուսալիությունը բարձրացնելու համար 220 կՎ հաղորդման գծերի (լարեր, սյուներ, բետոնե հիմքեր, մեկուսիչներ և ենթակառուցվածքի այլ հիմնական մասեր) շուրջ 520 կմ-ը կամ 33 տոկոսը հրատապ վերականգնման կամ փոխարինման կարիք ունեն: «Ծրագիրը սատարում է մեր` Երկրի գործընկերության ռազմավարության առանցքային նպատակներից մեկին` Հայաստանի մրցունակությանն ուղղված աջակցությանը»,- ասում է Ասադ Ալամը` Համաշխարհային բանկի Հարավային Կովկասի երկրների տարածաշրջանային տնօրենը: «Հաղորդման գծի ընտրված հատվածի վերականգնումը կբարելավի համակարգի արդյունավետությունն ու հուսալիությունը և ուղղակի օգուտներ կբերի Հայաստանում բոլոր էներգասպառողների համար»: Հաղորդման գծի` ծրագրում ընդգրկված հատվածը կառուցվել է 1956-1958 թթ.-ին: Այն միացնում է երկու հիմնական արտադրող կայաններ և սպասարկում երկրի կենտրոնական-արևելյան մասի մեծաքանակ էներգասպառողների: «Ներդրումների միջոցով կփոխարինվի Հրազդանի ջերմաէլեկտրակայանից Որոտան Կասկադի հիդրոէլեկտրակայաններ հասնող հաղորդման գծի շուրջ 230 կմ հատվածը, որը կազմում է հրատապ վերականգնման կարիք ունեցող 220 կՎ հաղորդման գծերի գրեթե 45 տոկոսը»,- ասում է Ժան-Միշել Հապին` Համաշխարհային բանկի Երևանի գրասենյակի ղեկավարը: «Հաղորդման գծի այս հատվածի հզորությունը 250 ՄՎ –ից կավելանա մինչև 310 ՄՎ, ընդ որում ներկա անջատումները կտրուկ կնվազեն»: «Ծրագրի տեխնիկական աջակցության փոքր բաղադրիչի միջոցով կամրապնդվեն «Բարձրավոլտ էլեկտրացանցեր» ՓԲԸ աշխատակիցների` տեխնիկական վերահսկողության, ծրագրավորման, գնումների, ֆինանսական կառավարման և ծրագրի կառավարման կարողությունները, ինչպես նաև կֆինանսավորվի հաղորդման ցանցի համակարգի պլանավորման և վերլուծությունների համար համակարգչային ծրագրի ձեռքբերումը», - ասում է Անի Բալաբանյանը` ծրագրի ղեկավարը: «Սա անհրաժեշտ է նոր ներդրումների արդյունավետ կառավարումն ու կայունությունն ապահովելու համար»: Ծրագիրը հենվում է Համաշխարհային բանկի փորձի վրա` զգալիորեն հիմնվելով Հայաստանի էներգետիկայի ոլորտում նախկին ներգրավվածության, ինչպես նաև այլ երկրներում իրականացված էներգահաղորդման ծրագրերի փորձի վրա: Ծրագրի ընդհանուր ֆինանսավորումը 52 միլիոն ԱՄՆ դոլար է, որից 13 միլիոն ԱՄՆ դոլարը ֆինանսավորելու է ՀՀ կառավարությունը: ՎԶՄԲ վարկի մարման ժամկետը 25 տարի է` ներառյալ 10 տարի արտոնյալ ժամկետ: 1992 թ.-ին Համաշխարհային բանկին և 1993 թ.-ին ՄԶԸ-ին անդամակցելուց հետո, Հայաստանի` ՄԶԸ-ից և ՎԶՄԲ-ից ստացված ընդհանուր միջոցները կազմում են 1, 488 միլիոն ԱՄՆ դոլար ասվում է ՀԲ հայաստանյան ներկայացուցչության հաղորդագրության մեջ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |