Հայաստանում չլուծված է մնում հացի քաշի խնդիրը

14 հունիսի 2011 - 12:52 AMT

PanARMENIAN.Net - Տարիներ շարունակ Հայաստանի առևտրի ոլորտում չի հաջողվում լուծել ճշգրիտ քաշի խնդիրը, մասնավորապես, դա վերաբերում է հացի արտադրությանը: Ինչպես հունիսի 14-ին կայացած մամլո ասուլիսում լրագրողներին է հայտնել Հայաստանի Ստանդարտների ազգային ինստիտուտի տնօրեն Ենոք Ազարյանը, վերջին ամիսներին Չափագրման ազգային ինստիտուտի աշխատակիցները դիտարկում են անցկացրել հացի արտադրության և իրացման շուկայում, սակայն հացի քաշի խնդիրը դեռ չլուծված է մնում: Ըստ նրա, այդ խնդրի լուծման համար ժամանակ է հարկավոր, ընդ որում նա չի հրապարակել դիտարկման արդյունքները՝ պատճառաբանելով տեղեկատվության բացակայությունը:

Ինչ վերաբերում է արտադրանքի որակին, ապա Ենոք Ազարյանը կոչ է արել սպառողներին ուշադրություն դարձնել փաթեթավորման վրա ՀՍ (հայկական ստանդարտ) տարբերանշանի առկայությանը, որը վկայում է այն մասին, որ տվյալ ապրանքը հավաստագրված է Ազգային ինստիտուտի կողմից՝ հավաստիացնելով, որ իր գլխավորած կառույցը բարեղխիղճ է աշխատում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով